الليل وحشه يصير لو ماكو نجوم
السؤال ايتيه لو ماكو جواب
ألجروح الرادن الشامت يموت
ألدموع تموت من تبچي العيون
ألصحاري تعيش من تبچي السحاب
كلمة الطيبه أذا حظرت تشيل
الحسره من الگلب والهم والعذاب
النده ينزل واجبه بوكت الصباح
يغسل خدود الورد من التراب
يبقه فوگ المهر بوقات الصعاب
گصته تعرگ من يمر طاري العتاب
وانه أرد اعتب على بعض النساء
المسلمات وأعتب اعله اهل الكتاب
ليش تمشن سافرات ابلا حجاب
مريم العذراء تزعل من تشوف
شلون تمشن بالشوارع سافرات
وانتن تعرفن حجاب ام المصاب
حجاب زينب صفن الشام ويزيد
أهناك زينب حجبت حتى الخطاب
بالستر تنهابن اورب السماء
تنحني الخطواتچن كل الرگاب
حجابچن شوكه بعيون الأحتلال
حجابچن رايه ونصر يوم الحساب
بالحجاب التزمن بكل الأمور
حتى بعد الموت متشوفن عذاب
كون من مشيتچن اتخاف الذئاب
باچر تموتن وحگ ظلع البتول
وبگبرچن فوگچن يغفه التراب
يدخلن النار اليظلن سافرات
وبالجنان يدخلن البسن حجاب
خادم الحسين (ع) أن شاء الله
