العراقي الحر يدخل ويرد

جدك وجدي أسباع والكاع اميره
من ثورة العشرين رضعوا ألغيره
* * * * * * *
يا أبن أمي عدنا أجداد محد خذلهم
وأعظم ورث لزماط ظل ألنسلهم
* * * * * * *
أجدادي بالعشرين شدو حزمهم
وبالفاله والمكوار بادوا .. خصمهم
* * * * * * *
أنحب اليحب الكاع والغثها غثنا
كل نخوة الاجداد منهم ورثنا
* * * * * * *
ما هي جديدة أعليك عشك المنازل
انت ابن نشمي وزين من ظهر نازل
* * * * * * *
مر بالرميثة وشوف شسوي جدك
ظل بيرغه لليوم يخفك أبزندك
* * * * * * *
جدك شهم يا خوي شامخ مضيفة
أيحب جفة الفنجان كلمن يضيفه
* * * * * * *
آنه أدري كلك طيب وجدادك أكرام
وأعرف أبوك أيثور لو جاره ينظام
* * * * * * *
يبن العراق الكاع تعرفها أمك
لو ما عزيزة أعليك ما رخص دمك

يسلمووووووووووووووووووووووووووووووووووووا

كلامك رائع ياورررررررررررررررردة ونظل ابناء الاجداد لالالالابد ابطال


الحزنك يا وطن تبچيلك امطار
ولا وكت الشجر ويذب الاوراق
لكن منمصابك تبچي الاشجار
منو مثلك حمل يا موطني احزان
وانت الى بتربتك علي الكرار

مشكور اخي على الكلمات الجميلة
عاشت ايدك
تقبل مروري
اخوك سيرانو

فارس عاشت ايدك كلمات جميله

وسفه ألعراق انباع بهسهوله ....ألمن نعاتب بيه شنهو النگوله

تحياتي الكم

وكل عام وأنتم بألف خير

مشكور اخي على هذا الموضوع



وتقبل تحياتي



كرار الرسام