قصيده للشاعر رحيم المالكي الله ايرحمه

• • 
    
    مو ميت عدل واكبالي اشوفك دوم
    واتامل رحيم لغيبتك رجعه
    
    ماصدك غفل يوليدي عني تروح
    مستعجل تريد فراكنة بسرعه
    
    كدامي القلم كل ساعة اشمن بيه
    بلكي عله القلم نيشان من صبعه
    
    وشكد ذكريات مخلي عالاوراق
    وحجايات حلوة ابالي متجمعه
    
    نقره بدفترك حد ماتطيح عيون
    والبوم الصور نشتاق ونطلعه
    
    عيني عللدرب من ربعك يردون
    اكولن بلكي اشوفن جاي وي ربعه
    
    ويطول انتظاري او وكفتي عللباب
    عين اتاني تبقه وعين بالدمعة
    
    راح التعب يمه وذاك سهرالليل
    لاجني صدك ربيت وأمرضعه
    
    لاجني ابمهد هزيت الولي عليك
    يبني ولمن تمرض قلبي اتصدعه
    
    طكتني المصايب واوجرت وياي
    متعنية وعلي بيبانهه مشرعه
    
    يومية انلجم يومية عندي مصاب
    وانه عله المصايب مالي كل جرعه
    
    شريد انسه ييمه منيلي النسيان
    هو الجرف ينسه الماي ويودعه
    
    يوليدي العراقية تسولف بيك
    لمن تذكر اسمك كَلبي اتكطعه
    
    تبقه عيوني تربي مكابله الشاشات
    بلكت صورتك لو صوتك انسمعه
    
    ظلمة ليل صارت دنيتي بلياك
    يلحارك حياتك للوطن شمعه
    
    انته وكل شهيد الطاح وفه الكاع
    ياسيف العراق او مهرته ودرعه
    
    اقنع روحي يمكن لو كلت انساك
    بس كَلبيي الدفنته وياك شيقنعه ؟
    
    رحم الله شهداء العراق
    

رحم الله رحيم المالكي وادخله فسيح جناته

مشكووووووووووورره



تحياتي

اختى العزيزة هذه مو لرحيم المالكى هذه لآأمه هية التى كتبتها والقصيدة منقولة بالمنتدى ارجو كتابة منقول تحت الى تنزليه بالمنتدى منعا لالااحراج وتحياتى الك

الدنيا علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي اعله الهوية

الله جميل جدا
و مشكور على النقل
و انا لله و انا اليه راجعون
نسال الله ان يتغمد الفقيد رحيم المالكي في فسيح جنانه

تقبلوا تحياتي
اخوكم سيرانو

كلام رائع رحم الله جميع شهداء العراق وادخلهم فسيج جناته

شكرا على هذة الابيات الجميله وربنا يرحمو

تسلمين شهودة
شكرا لك
تحياتي

يسلمــــــــــــــــــــــــــوووووووووووووووووو...رحم الله رحيم المالكي ...تحياتي وتقديري