خلص بينا العمر بين السراوات

خلص بينه العمر بين السراوات
يغم عمر اليعدي بالطوابير

شنهو نريد لازم بالسره نفوت
نفط لو غاز لوله خبزة شعير

برمجنه الحياة بهذا الاسلوب
حته الموت نوكفله نواطير

الوادم وين صارت واحنه ها....وين
نطلع من حفيره نوكع ابير

الوادم مستراحه وشايفه اشكال
واحنه بكل صبح من نكعد انحير

تفتر بالدول وتسير الناس
واحنه للكبور انهم مسايير

جبناهه حروب وكوم ثورات
وابد مافرغت بيوم الشواجير

دبابات تفتر وانقلابات
طلقه جابو ابدال الطباشير

وياصوت الرصاص المارضه يهيد
جنك داخل بسوق الصفافير

وياصوت القنابل صار تعويد
انخرس حس البلابل والعصافير

متكلي من ياملا احنه الخاطر العباس
حتى الضحكه مشبوهه التعابير

ملينه وجزعنه نريد افراح
وليمته نظل نضرب بسامير

ضاكت حيل بينه والحزن ساد
اكل بينه الحزن اكل المناشير

بس يبقه الامل كمره بوسط ليل
ونبقه اهل الكرم واهل الخطاطير

منقول