الحد من يا وطن نايم على الغيض ****** و عمره الغيض ما نام بثنيتك
اسمك صبح ما بين الوفيات ****** و حكام العصر باكو هويتك
عدمن تشتكي و كلها تماثيل ****** يا تمثال يهتم بقضيتك
و جم حاكم اجاك و شبعك موت ****** ضل ياهو اليجي اطب بخطيتك
حاير يا وطن ما تكلي شبيك ******من يوم الصرت حاير لكيتك
ليش بكل و كت مذوبحه هاي ناس ****** وعلى الموت الغصب فاتح شهيتك
تمنيتك تفز من نومتك هاي ****** و تشوف شلون حالك تمنيتك
الاف الجناسي استوطنت بيك ****** غافل حد من اتضل بغفيتك
اصحه يا وطن تاريخك انباك ****** و ناطورك الباكه من اهل بيتك
كلي ايطيب جرحك يا وطن بيش****** و عزرائيل هل غافي بريتك
اعرفك ما تعرف الخوف فد يوم ****** ومعروف انته بالشدات صيتك
يا ديرت شرف يا هيبة الكون ****** الدنيه اتصيح بالشده بحميتك
يا دله و مضيف و عالى الشان ****** و تضل طيبات و ما تبخل لكيتك
نسيت الاهل بالغربه و الاحباب****** صدك يا وطن بس ما نسيتك
اشتهيتك موت وادري الموت مكروه****** بس ما صح بديه و انه لكيتك
و عشكتك يا و طن عشك المجانين ****** و على دم الضحايه انه هويتك
حاير يا وطن متكلي شبيك ****** من يوم الصرت حاير لكيتك
اتخير يا و طن و ثنين الك تختار****** لو طاغيه يحكمك لو للاستعمار
اتخير يا و طن و ثنين الك تختار****** لو تنباع جمله لو حكم جبار
عليك الطاح بالطف تصرخ ****** الحدمن ساكت و محتار
عليك الكطعو اجفوفه ****** عليك بشيمة علي الكرار
عليك بداعت فاطمه الزهره ****** و ضلعها و لوعت البسمار
مشهوداتلك يا موطن الثورات ****** لا تنسه الحسين شلون لمن سار
بشر واحد رفض ما صافح الطغيان****** ولا هزه يزيد و جيشه الجرار
علمنه الحسين التضحيات اشلون ****** اشلون انموت بالعز موتت الاحرار
نذر روحه برمح من زاحماه الغيض ****** ونادى الموت اولا من ركوب العار
اتخير يا و طن و ثنين الك تختار
انشاء الله تعجبكم
منقول
