لم يدخل الارهاب مو بيوتنا دخله من عيوبنا

لم يدخل الارهاب من بيوتنا بل دخل من عيوبنا

اذا مو اني وانت وكل شعبنه يگوم
ولاواحد يگول اليوم شعلية
نخلص كلنه هيچ وكل شعبنه يروح
وتشرب عل العراق الوادم اميّة
اول شي نحدد ليش جاي نموت
دكتور انذبح والعنده بسطية
ليش الدم رخيص وماله أي معيار
گيعان العراق دموم مملية
ليش الشجرة ماتت والزرع ممرود
والنخله وعثگهه اليوم محنية
ليش الموتى يسحل بيهه هذا وذاك
صارت بالعراق الحاله عادية
دول عظمى ابلدنا؟ وهيچ بينه يصير
ويومية ابلدنه عيال مسبية
اذن لازم تاَمر عل الشعب معروف
تخطيط وجريمة بخسة مبنية
تخبط لا چذب هذا العمل مدروس
لكن بالوطن موجودة أميّة
انزل للشوارع يامواطن صيح
وارسل للحكومة اليوم برقية
دمنا اللي نزل سعره وهبط بالسوگ
لازم يرتفع تنطونة اهمية
اغلى من النفط دم البشر ياناس
قطرة تعادل اموال السعودية
دمتم بالف خير



:66 (46): منقول :66 (46):

والله حلو والله حلو والله حلو
عاشت ايدك