اعرفي عريسج قبل متتورطين بي من طريقه اكله تحياتي مروان الانباري

إذا كان عادي يعني لا ياكل بسرعة ولا ببطء ولا دائمًا شبعان ولا
مفجوع .. يكون شخص معتدل في عواطفه وقراراته ويكون هذا آخر
الرجال المحترمين.. كلبجي.. واستعجلي الزفاف والحياة بئة لونها بمبي هع هع


2- إذا كان يحب الأكل مثل عينه.. وأول ما يدخل من الباب وقبل ما يكول
لك شلونك يكول لك ريحة التكلاه تجنن ياروحي إنتوا مسوين برياني على
لحم؟؟.. أموت أني.. ويكعد ياكل ويحش لحد ما يغمى عليه.. يكون إنسان
طحش.. وهوائي.. وطايش.. وديري بالج تتزوجيه لا ياكلج وانتي نايمة....؟

3-أما إذا كان مو مهتم بالمرة.. لايكولج هذا حلو ولا هذا عادي ولا مالح
ولا مستوي ولا بعدة ني ولا يعلق أي تعليق.. وعمره مايجولج جوعان أو
شبعان يكون إنسان مالة لزمه.. وجودة مثل عدمة.. وأنصحك بدل ما تتزوجيه
إتبنيه.. وهتعيشين إنتي الرجال والمرة في وقت واحد واعملي حسابج
هتركبيه
وتدلدلين رجلييج.


4- أما إذا كان ياكل مثل ماواحد ديركض ورااااه وساعة الأكل يجيله
حالة صرع معوي.. ويكوم من الأكل قبل أي احد ثاني يكو متسرع.. ومتهور
في اتخاذ قراراته وممكن بعد الزواج يكتشف إنك لست ملهمته..ولست فتاة
>أحلامه ولستِ حلمه.. ويطلكج بالثلاثة.. اتركيه انتي اول احسن لكرامتج


5- أما إذا كان ياكل على مهله.. ويمزمز.. في كل صنف لوحده.. ويسأل عن
كل صنف شنو مقاديره وطريقة العمل ويكعد يستطعم بالأكل من العصر للمغرب ديري بالج منه يا اختي هذا النوع اللي عندة مخ.. ويوزن الأمور بطريقه
اتطكك المرارة.. ولو في يوم طلبتي منه يكولج كلمة حلوة هيكولج ممسوي
حسابي ويكعد يفكر 3 سنين وبعدين يكول لك احبج ويكعد يشوف وقعها عليكج
يعني شنو؟؟ نظااااام شلل رعاش مبكر.... يعني اتركيه فورا يا أمي
...
6-أما إذا كان يكعد يكطع الأكلوياكل عبالك ديتعارك ويخبط بالماعون
من الغل.. ويكطع اللحم عبالك ديذبحها.. ويتفل.. ويتكلم.. طول ماهو دياكل لما يغرج أكل.. هذا شخص عصبي جدًاااا.. ومع أول عركة ويروح شامر بالكرسي براسج أو
بالسجينة بعينك يسويلج عاهة مستديمة وبعدين.. يهدى.. ويكول لك:
"سوووري ياروحي هي جتي بيج؟؟.. ميخالف"
""ميخالف برَّه يا حبيبي وسد الباب وراك""

7-أما إذا كان دائمًا مزعوج دائمًا ماعاجبه العجب.. ايع.. البامية حامضة.. اهووووو.. الدولمة دهية زايد ..
ياساتر.. شنو هالكشكش الزايد بالقوزي.. أووووف.. التمن معجن.... إذا كان عريسج هيجي توكلي على الله وجيبي اكبر ساطووووور عندج وأنا أعرف واحد محامي
يطلعج منهه برائة

والأحسن من هذا كله..... شبيهه الكعدة ابيت اتخبلللللللللللللللللللللللل

------------------------------
تحياتي للكل

ياابوالبنات يامروان
اذا نتبع كلامك ماكووحدةاتزوجت
وماكوبيت مشت بيه بنيه
والعوانس راح تصيربكدشعرراسك
وانته اكبر مخرب للبنات متريدالسعاده الهن
الى اعرف سرك وي البنات شنو
تحياتي الك نورالمياحي

شكرا على الرد نووور
واني شويه اريد الطف الجو؟ وايميلي يمك نور اذا حبيتي تكلميني اوكي نور تحياتي اللك مروان الانباري