جبهة اللاتوافق .. شعر: علي البهادلي
كل يوم تحضر تنسحب
جبهة توافق لو لعبْ
گالو كسبنه المعركه
وباچر يايدنه الشعبْ
وبالساحه صار النه
وزن
اولونحچي نفعل مو چذبْ
وهاي الحكومه اشما
مشتْ
من غيرنه اضيّع الدرب
والجبهة لو رادت امر
يتحقق اشگد ماصعبْ
؟؟؟؟؟؟؟؟؟؟؟؟؟؟؟؟؟؟؟؟؟؟
وعدنه مطالب واضحه
وماانريد ساعه وتنشطبْ
وخبصونه من كثر الحچي
ولنهم يريدوهه نهبْ
ويردون احكام الصنم
تنعاد بالدم بالغصبْ
وحنوّا على ايام المضتْ
من چانتْ الهم تنكتبْ
ولنهم يرفضون اشكثرْ
وابواقهم تطلع تطبْ
وكل يوم حجه وزعبله
وكل ساعه يلفون ابطلبْ
آآآآآآآآآآآآآآآآآآآآآآآآآآآآآآآآآآآ
واحد زعل واحد رضه
اواحد على الوادم يسبْ
ولاءات عدهم كل وكتْ
كثر الرفض ماتنحسبْ
ومايوم گالو فد نعم
بسْ لاء تسمع لو تحبْ
لا للحوار الوطني
لا للامن
لا للحزبْ
لا للحكومه
اشما سعتْ
لا للوطن
لا للشعبْ
لا للنعـم
مهما بدت
والامر اصعب من صعبْ
؟؟؟؟؟؟؟؟؟؟آآآآآآآآآآآآ؟؟؟؟؟؟؟؟؟
ولنه انطبق بيهم مثل
معروف مذكور ابكتبْ
ولنهم مايعجبهم عجبْ
لا صوم لو حتى ابرجبْ
وشلون ترضيهم بعد
وبيا لگط الهم تذبْ
ذوله خبط جري غدو
مج مايهم ماينشربْ
وشما تمد ايد السلم
جازوك بالدم بالحربْ
ومهما
تساومهم بعد
ومهما تود وتقتربْ
مااتشوف منهم بس
جفه
واحقاد تسعر تلتهبْ
آآآآآآ؟؟؟؟؟؟آآآآآآآآآ؟؟؟؟؟؟
ولو بيدهم هذا الوطن
يحترگ
کله وینگلب
ومو مشكله ايموتْ
الشعبْ
لو هالوطن كله
يگبْ
عوجان ما منهم
رجه
وماينعدل ذيل
الچلبْ
والصفر من اصله
صفرْ
هيهات يتحوّل ذهبْ
والصفر من اصله
صفر
لو ينطلي ابمي
الذهبْ
لآلآلآلآلآلآلآلآلآلآلآلآلآلآلآلآلآلآلآ
ابو مرتضى علي البهادلي
12/8/2007
نوربرو
مشاركة: جبهة اللاتوافق .. شعر: علي البهادلي
صحيح احنا نريد عراق موحد
العراقي يقول انا عراقي
نتمنى انشاء الله ما يخلص شهر رمضان الا و العراق بخير
تقبل تحياتي
اخوك سيرانو
مشاركة: جبهة اللاتوافق .. شعر: علي البهادلي
مشكووووور وبعون الله يتوحد العراق تحياتى
مشاركة: جبهة اللاتوافق .. شعر: علي البهادلي
العزيز سيروان
نشكر لك مروركالطيب وتعليقك الاطيب على القصيدة
نتمنى من الله توحيد الشمل وان يعود العراق الى ما كان عليه
اخوك علي البهادلي
مشاركة: جبهة اللاتوافق .. شعر: علي البهادلي
الاخ العزيز العراقي الطيب
وفقك الله ورعاك وشكرا على مرورك الكريم ياطيب
اخوك علي البهادلي
