وردة القرنفل موضوع طويل وتعبان عليه فأرجو التثبيت

السلام عليكم ورحمة الله وبركاته

أقدم لكم اليوم قصيدة من الطراز العراقي القديم

وهي وردة القرنفل وهذه القصيدة تعبان عليها

بلكت يثبتوهاااااااااااااااااااااااااا :77 (9):

وردة القرنفل



طحت مرة بهواك وماني ندمان

من يندم على اليعشكَ مثالك

أذا وجهك كَمر بالفضة مليان

وين ما تمشي يتفضة أهلالك

وأذا جفك نبع والكون عطشان

وزلال الماي يشرب من زلالك

وأذا فيك يعادل 100 بستان

يا نخلة التسد الفي بدالك

يبو عود الحلو ومن الله ريان

شتل شمس بسما أمعشب شتالك

وأذا ورد القرنفل بيك هيمان

الملح معذور لة هام بدلالك

أيا كاس الصبر والكاس مليان

فلا يوم الكَلب مل وأشتكالك

مضن عمرين وأيوبك إلى الآن

شباب وبيه حسن كضد ما حلالك

يناعم ..يا ترف يا شطب ريحان

أشتهيناك بعدالك وبميالك

مثل بردة عروس أكَبال سكران

ورة البردة الخفية يمر خيالك

ومثل حجي الكمان بأيد فنان

بيديه الكَلب دكَ وحجالك

ومثل بجي الشواطي بموت نهران

حدر جفني العمر ياما بجالك

ومثل نجمة يتيمة بليل بردان

العمر ثلج ولك من شح وصالك

تيهني الكَلب من زغري يا نورة

من ذبني أعلة حرثة وراح يبرالك

لهسة أرضع هواك بديس الأحزان

ورغم شيبي أنة أحتاج لدلالك

يلوموني بمحبتك عده وصحبان

وأنياب الملامة تمزقني أكَبالك

وحق مايك كَضيت العمر عطشان

ولا مديت أيدي لغير مايك

وحق نعمة خبزتك ماني جوعان

وبحلكَي العسل خبزك وجايك

وأذا مليون ناي أعزفن ألحان

فلا تطرب أجروحي لغير نايك

وأذا يوم أسألتني شلونك فلان

أضل للموت أتباهى بسؤالك

وأذا بكَلبي يقين الناس بهتان

وأقوى من المؤكد أحتمالك

من خدك أمريع مثل نيسان

وشكو أحمر ورد خضر بجالك

ويمن خلكَك أمبشر مثل بستان

والكَمرة بيمينك وبشمالك

وأذا 70 كَمرة أصطفت ألوان

يا هو اليكَدر أيطفي أحتفالك..!؟

المثلك يا نورة ما يحتاج عنوان

بكل ضحكة بشر موجود عنوانك

والمثلك فلا يحتاج برهان

برغيف الخبز يلكَون برهانك

والمثلك فلا يحتاج نيشان

بذراع الشمس موجود نيشانك

وأذا عود الطرب يحتاج دوزان

أنة أمدوزن على نغمة جمالك

يا بيبان الفجر ..يا أحلى بيبان

ويفال الخير للغباش فالك

يعصرية حديقة ..وفجر نهران

يخي عونة الغفة بكوسر خيالك

قدر مكتوب حبك صار يا فلان

ولآخر سطر أنطر وصالك

ويا لحظة شعر والكَمر نعسان

قصيدة وليل وأتخيل جمالك









أرجو أن تنال رضاكم

مع تحياتي للجميع





المخلص دوماً وليس يوماً

من العراق الجريح





ملك الحب والرومانسية

عراقى اصيل

مشكور على القصيدة

فى انتظار المزيد

من قصائدك

دمت بحفظ الرحمن ورعايته

:66 (46):

الشكر لله عزيزتي حلم وشكراً على مرورك

قصيدة جميله أخونا عراقي أصيل..
تسلم ايدك على هذا الأبداع والجهد الرائع..
دمت بخير

كل الشكر لشخصكم الكريم بنت بلادي
على المرور والتثبيت


تحياتي


عراقي أصيل

أذا ورد القرنفل بيك بيك هيمان الملح معذور لو هام بدلالك
الله عليك شاعرنا عراقي أصيل عاشت أيدك قصيدة حلوة تستاهل
التثبيت مشكووووووووور وتقبل مروري

مشكووووووور أخوية خالد على مرورك

قصيده روووعه تمساح عاشت ايدك
وبالتوفيق