زرعت نخلة انه بوسط بغداد
ورشكة ماي من دجلة ترويهة
بكاع الخير نبتت و الحسن أخاذ
و من تطلع شمس لازم تحنيهة
لان بمجانهة أنفجع صوت الموت
و جفوف الطفل أنغرزن براضيهة
لان شبعت كاعهة من دم الشهيد
دم الطاهر الي بروحة يفديهة
يالتسأل أنت شنو سر الكاع
خصبة و مايهة و ينزرع بيهة
تسأل ليش الكتل ما يهدهة بيوم
و ليش دخان الموت ابد ما سابيهة
سؤالك سهل ولك و الجواب يجيك
لان طيف الصبر كل يوم يضويهة
لان شامخة تظل بعزت اهلهة
و رب العرش هو الي حاميهة
منقول :66 (46): :66 (46):
