اريدك تكشف اوراقك وسراك
وشنهو الطوقك بية وسراك
ايوجد شي حلة بعينك وسرك
اشوفك صافن تباوع علية
كتاب ايامي بيدك طالعة انت
بيه القلب كلش طالعة انت
حلو تخبل لأبيك طالع انت
لجن لو لمك شيصير بية
مالوم المشاعر من تقفلة
وشفتك وشفك من باب قلبي من تقفلة
لان بيت الابوذية من تقفلة
مثل وجهك حلو بي شاعرية
الف تمساح اجاني من نهركم
وتكلي اندار قلبي من نهركم
سواد الليل شفتة من نهركم
شتضن ليلك صبح يطلع علية
كبر بستان زيجك وردة فاتح
واحس سكوتي انفجر بية وارد افاتح
لون شفاك وردي وردي فاتح
احمر اتصور وشبجت علية
جنت شباك شوك وسكريتك
ودرب للصدك ريت وسكة ريتك
غشيمة بخمر شفتي سكريتك
وخليتك صدك تضحك علية
