دامى لااهل البيت

لبو الحسين جانون وسط الكلب ينشال
وعليه الدمع بالجفين ينشال
مثل شخصه حسافه بالنعش ينشال
وتظل دار العلم منه خليه


ماهو لجل الثوا ابجيت واجره
لجن نار بصميم حشاي وجره
مصاب حسين ابد ما صار وجره
فرض كل يوم تنصبله عزيه


يحادي لاتسبح بالضعن بي داي
ودليلي الفكد ابو السجاد بي داي
دريض خل اغسل حسين بيداي
وادفنه ولايظل جسمه رميه


فنه جيوش العده عزمك وساده
وفظلك طوك العالم وساده
الارض لجل خدك تصبح وساده
غريبه يل غريب العابريه


دليلي امصوب ومحتار بالهام
برزية كربله ماركن بالهم
اخويه حسين صابه السهم بالهام
وطاح من المهر اعلى الوطيه


ون حسين يم عباس وانه
لواك الجان بيه النصر انه
تظل يا عباس يم النهر وانه
واكف وحيد بين علوج اميه


شال ايده وغده للحرم يوماي
وناداها يزينب كرب يوماي
يختي اخلال جبتي وياج يو ماي
تراه العطش ضرني وفتك بيه

الله الله الله محلاها شكرا لكم
بس لو تخليه بقسم القصائد الاسلاميه وانت بكيفك

مشكور وشكرا الك اختى مو هنا موقع لااهل البيت عليهم السلام والراى الك