بيك حسيت الدمع

شفتك ابعيني حلم والنوم
ما وجّه اعله بابي
اوبيدي خطيتك حـــــــــــــــــــــرف...
وانختم وي حرفك كتابي...
بيك هيّست العطش.....
والدنيا نار...
وابخيالك صدّكت صورة سرابي؟؟؟
بيك حسيت النده ابخد الورد..
ينسه البرد..
وايسيل دافي
اوبيك حسيت النهر
من ينخبط....
يلكه الجرف وايعود صافي
بيك حسيت الدمع
مثل الشمع
من دون خيط ايموت طافي
او بيك
حسيت الجدم
فوك الجمر ينسه الالم
وايفوت حافي****
بيك هيست الحضن جنة طفل
لو بيه يكضي الليل غافي.....
بيك حليت السؤال الحيراني
من لكيتك تستحل ساحة جوابي....
او تيهت كلمة عتابي
واشتهيتك وي شرابي""
او دوريتك مسحه بطراف الجفافي
او ضحكه من اتغيم اعله اسنين عمري
تمطر اعياد ابمصابي
شفتك ابعيني حلم::
والنوم ماوجّه اعله بابي؟؟
منقول

الدكتور فلاح الزيدي

شعر روعه بس ايصير اروع لوينقل للقسم الجلفي اقصد الشعبي
وراح ينقل
اني راح ادز ناس عشاير يفصلون لان جاي انقل وماكو فايده هههههههههههههههههه

هههههههههههههههههههه من غير فصل انى حاضر مابينا حيل الفصل يبووووووووووو ملينا احسبى شكد نقلتى وانى حاضر ههههههههههههههههه وشكرا الك

اكول انته انقله مادام هذا قسمك موصحيح هسه هو بالقسم العام وانقله للشعبي بلييييييييييز

اوووووووووووووووووووووووكي ولاتشيلى هم

ماشاء الله عليك
اخيار موفق و ذوق جميل
تقبل تحياتي
اخوك سيرانو