اشهر 21 كذبه عند البنات بدووووون زعل يابناااات تحياتي الكم مروان الانباري

هلو ششششباب
شونكم مشتاقلكم
هاي اشهر 21 كذبة عند البنات
تعالو شوفوهن بس اريد منكم الرد
يلة

1_مادري حبيبي احس اني اعرفك من زمان تصدك(اي من جان الدينار حياكه)

2- حبيبي احس انك غير عن كل الشباب احس انك مختلف وغير عنهم
(عندي كرون يعني)

3-ياريتني ياكلبي عرفتك من زمان
(اي خيرانشالله..مقشمره 79 واحد كبلي وجاي تبيعها عليه )

4-انا ماطلع من البيت هوايه ولما اطلع انزل راسي بالكع وماباوع احد
(انتي بس يم ابو الصمون تبقين 3ساعات اتريدين واحد ايباوع عليج )

5- انا احب الشعر ومن هواياتي الرسم والسباحه(هيه المي اتجره بالبامب)

6-ماحب اكعد وغرفتي هوسه واني احب النظافه وماعرف انام الا واني مبخره غرفتي وفراشي ( اي صح بطانيتج ريحته واصله لذاكه الصوب )

7-احتمال اروح سويسرا الصيف القادم
( خطيه تروح للزوراء عباله سويسرا )

8- تصدك حبيبي ماعرف ألبس الا من احدث الموديلات( هيه قطعه قماش وتفيك بيه )

9-اووووووه حبيبي مشتهيه كابتشينو وكيك ابو الكريم
( هيه تاكل اصابع مالحه واستكان جاي مال حصه )

10-دائما عطوري مااشتريه منا كله بابا ايجيبه من الخارج ( قصده من خارج البيت يعني براس الشارع ابوه ايبيع بنزين وبدربه ايروح لبو الريح وبحساب يشتري يحط على ايده وركض للبيت حتى المكموعه تشتمه )

11- شكلي حبيبي راح اطك لي جاكوار من الوكاله
( اذا مو هوندا موديل 76 من الكراج مال باب الشرجي واذا حصلته )

12- انا بيتنا بشارع الحب على تقاطع ابو جعفرالمنصور ( شارع حب ماكو شون جذب مصفط)

13- حبيبي اليوم تلفوني وكع بالمرافق وخرب
( يعني اشتري لي جهاز..ليش هيه متدري اني مزيقه خط ونخله وفسفوره )

14- انا جنت مخطوبه بس خطيبي مابي مواصفات (هوه زين حس على نفسه وخلص نفسه من هالبلوه ))

15- حبيبي اروح اشتري حذاء من هذا ابو 50000( كولي ابو ال2000 ومن البالات ليش مستحيه )

16- حبيبي خلي ابالك ترى انا اذا حبيت حبيت من كل كلبي( اي احجيلج ويا )

17- حبيبي اني اروح لنادي الصيد بعجبني العب تنس هناك ( هيه تروح تلعب غميضه بحوش بيتهم )

18- علاقتي بيك محد يدري بيها ابد لانها تعتبر من اهم خصوصياتي ( حتى خدامتهم تدري انها تحجي ويايه.. )

19- احب اكعد بالبيت واساعد امي واحب اكعد ويه النسوان ونشرب شاى ( يعني ترى ماعندي خرابيط تعال اخطبني..بالعيد انشالله )

20- حبيبي عيد ميلادي الاسبوع الجاى ( يعني اريد هديه...اني عاد مااقصر بعييييييييني )

21- بعد كم يوم راح ادخل معهد واتعلم اسباني بعد ماخلصت الفرنسي والايطالي (عربي مثل الاوادم ماتعرفين...هالمره اسباني؟؟؟)
لتنسوني بردودكم الجميله

عراقي للابد هذاالحجي عندبنات الخليج مو عند العراقيات احنا من وينا خدم ونادي صيد وتسافرلسويسرا هوصدك جذب بس جاذب بالمعقول* مشكورررررر

شكرا على اموضوع
هذي حقيقة البنات
بس الصراحه انت شكلك حاقد على البنات

عراقي للابد احترم نفسك من تحجي ويا البنات واعرف انه البنات احسن منك

هههههههههههههههههههههه

خوش كذبات خويي عراقي واكثرهة مجربيهة

هلو عراقي.....ميصير هيج نزلت بينا فد مره تحياتي الك

مشكور بس مو كل البنات هيج اني ابد مومثلهم

على فكرة مش كل البنات وبعدين مش بنات مصر