:66 (6): مساجلة الدارمي:66 (6):
:66 (46): هذه المساجلة دارت بيني وبين الشاعر محمد المنصوري ارجو ان تنال رضاكم وبانتظار دودكم:66 (46):
أتعنة الك لو موت يم بابك ايصير
وأوصل وأجيك ازحوف لو طگني تفجير
* * * * *
اوصل واجيك ازحوف واتعنة بابك
والعمر كلة يروح فدوة لشبابـــــــــــــــك
* * * * *
العمر فدوة ايروح لأجلك يغالي
حگ لو اروح اعيون واسهر ليالـــــــــي
* * * * *
حگ لو اروح اعيون وابجيلك اسنين
لو مو بالجنينة اتصير اتعنة للصــــــــين
* * * * *
لو دارك انتة تصير كلش بعيدة
تاخذني روحي بليل وتحطني بيـــــــــــدة
* * * * * *
تاخذني روحي بليل تتعنة دربك
وترافگن گلبين گلبي وي گلــــــــــــــبك
* * * * *
اترافگن گلبين وانتة ادرى بيهن
وتحذر انتة بيوم شامت يجيهـــــــــــــن
* * * * *
گلبي وگلبگم صار واحد نبضهن
لوهامن بنص ليل محد يردهـــــــــــــن
* * * * *
محد يردها الروح لو هامت اعليك
اعبر بحر دنياي وازحوف اطب ليــك
* * * * *
ازحوف اطبن ليك واعبرلك اجبال
وبروحي الك يفلان شيدت تمثــــــال
* * * * *
شيدت الك تمثال وبنيتة بيدي
لو ماشوفك بي ماريدة عــــــــــــــــيدي
* * * * *
كون انتة ماموجود ماأريدن العيد
وابجي بدمع وبنوح جي رايح ابعـــــيد
* * * * *
ابجي بدمع وبنوح والطم على الصار
جرحك يبعد الروح خلاني طشــــار
* * * * *
طشرني جرح اهواي بالجو نثرني
خلف بجمر بحشاي يوم الهجرنـــــي
* * * * *
خلف جمر بحشاي نيرانة تسعر
گلبي ودليلي اعليك خايب توجـــــــــــر
* * * * *
گلبي ودليلي اعليك ظل ينزف ادموم
والدمع صب اجبود ماجتك اعلــــوم
* * * * *
وشل دمعها العين صبت شحمها
وتعالج وي الموت روحي بولمهـــــــــا
* * * * *
تتعالج وي الموت من فاركيتك
لوما كسر بالروح جاهسة جيتـــــــــــــك
* * * * *
رغم الكسر بالروح اتعنة لازم
يداوة هالمسكور لو شفتة ســــــــــــــالم
