كل خميس أخيل اشموع العرس والحنه
كل خميس القلب يخفك ياهوى وينشدني عنه
ومن تمر زفه عليه
جنها جابت كل عطور الفرح منه
حلو يا يوم الخميس
وبيك كل عاشك حظه ولفه وتهنه
حلو يا يوم الهلاهل والشموع
اقلوب المحبين احلى اطيور وانت أصبحت جنه
وثاري هم غدار يا يوم الخميس
وتظم حدر الضحكه ونه
جنت جايب أبشاره..!
وجلمه ترفه
جنت وجنت اظن
البسمه تصعد للعيون
وما دريت الدمعه تنزل على الشفه
وضاع كل تعبي التعبته
...................
وضاعت أسنين انتظاريوالوفه
وشاغت اللهفه..
يا عشك حتى انته ظالم..
هم مثل يوم الخميس اليبعد امن القلب ولفه
ولفي ضاع وضعت منه
نكر شوكي وسهر ليلي يا حسافه والف وسفه
وهم اكول..
ولفي لو ذرة وفه عنده وذكرني..!
ما ؟أظن اعيونه تغفه
وانه صابر على اجروحي
يمكن أتمر السنين وكلها تشغه..
وهي..وهي قسمه
وشرد اسوي..
وحالي حال الناس
اروح اضحك جذب واحضر الزفه..
وتالي أروح اضحك جذب واحضر الزفه..!
للشاعر.ناصر محسن الساري
