صعبه العيني تباوع عينك لـــن بعينك سحـر الكون
وصعبه الروحي تقاوم سحرك والينوي يقاوم مجنون
سا حـــــر انته بكل نضراتك يا ورد ابعطرك واللون
يا بلبل غرد عل شجره يا كهــــــوه ودله وچــــــانون
يا تفاحة البيد نيـــــوتن ياشعر أنزار المــــوزون
يا دء أه دا أر ابدرسي يا نقطة انته ابحرف النون
يا فرحه ابگلب المتغرب مــــــــن اهله ويا يلتمون
يا فراشه ابنص الوردة حليوه الفراشه يگــــولون
حن وارحم گلبي الهايم هــــــــام ابحبك يا مفتون
حبك طير كل افكاري وكلشي الحبك عمري يهون
يا ساحر يل ماكو ابسحرك يل سحرك نظرة العيون
ارحم عاشگ سل ابحبك ربك يــــرحم اليـرحمون
