دارمي بحق اهل البيت

عيوني عكب الولف رمدت ولا سالمه
واحبيبي لمن رحل كلبي اعتنه سالمه
سلمله كل العمر حته الكلب سالمه

سلمله فوك الكلب شريان عمري ودم
وياربي هذا الولف بقي اليه ودم
الجره عليه تره بحواء مامر ودم

وايوب ماضن صبر صبري الصبرته عمر
عاطل دليلي كبل من شافه صدك عمر
باول خليفه احلفت عثمان بعده وعمر

يكلي مااقتنع تحلفلي اريد بعلي
باجر تصير الابو لطفالي انت بعلي
وامنيتي تصبح نجم واسمك يصير بعلي

ويكلي بعد الوصي تحلفلي اريد بحسن
والنوبه بعد الحسن تحلفلي اريد بحسين بحسن
فوك الحسن ياخلك ربي يزيده بحسن

كل هذا ماصدكه سافر بعيد وشال
وبعيوني مامش دمع صدكوني بس وشال
هد حيلي لمن كطع نحل اعضاي وشل

ومن كثر مامر علي راح اني افقد وجن
وفراكه زاد المرض وجروحي هاجن وجن
بحسنه ماكو بخلق لا انس مثله وجن

حسن الذي بالولف ماشاله كبله بشر
واليكصده بالذى يبلاه ربي بشر
ببشاره وكتي اجه لمن ضحكلي بشر

هد حيلي لمن ضحك من نضر ليه وسر
من بعده ياهو الذي اشكيله همي وسر
وكلبي عله كد فطرته ممشى مشاله وسار

للنار امشي وعلي لو هو اليه امر
واباب اهله جنت يوميه اروحن امر
بس من هجرني ورحل اصبح زماني امر

دنياي عكست معي واصبح ونيني اشد
وبيه الجروح اكثرت ياجرح منهن اشد
كد ماحملت الصبر حياني وكتي وشاد

حته الوكت ياخلك حن لمصابي ورق
خلاك ماي الوكت وكليبي كاغد ورق
مانمت بعد الهجر صابتني عله ورق

صابتني كل العلل طاعون هدني وسل
لشارعهم اني اعتني انشد عليهم وسل
وبراكه دم ودمع من عيني يجري وسال

دنياي عوجه مشت والوكت بيه حكم
خلاني طوبه الزمن واعداي هو الحكم
انشد مجرب تره لاتمشي تنشد حكم

جافاني كلبي الجم ويلوج ابد ماهده
واتمنه هسه احضنه للموت اضن ماهده
اهديته كل العمر هوه ابد ماهده

زاد وملح مانفع مافاد دمعي وطب
ماذكر جنت اكصده اتعناه لبيته وطب
بعلتي حار البشر مانفع علمه وطب

بس ردت العيون من طب البشر سالمه



منقووووووووووووول