قصيدة رحيم المالكي الى الدكتورة حسنه ملص

بعد أن عجزنا عن مخاطبة الشرفاء لحل مايدور في العراق، إضطررنا لمخاطبة غير الشرفاء.
رسالة للدكتورة حسنة ملص
--------
ياهو المنج أشرف خاطر أشكيله
دليني ياحسنة وباجر أمشي له
أمشيله وأحجي كل الحجي المضموم
كَبل حفاي كَالوا هسة ماكو اهدوم
بيتي من القنابل والقصف مهدوم
وحكومة بلا حكومة بغير تشكيلة
تنازع على الكراسي والشعب حفاي
وأبشرج لاغذاء لاكهرباء لاماي
إحنا أهل النفط والكاك عد زلماي
ياحسنة الحكومة تكَدر اتشيله
------
حكومتنا الرشيدة لييش هالتأجيل
أي مو مطرت علينا من السما سجيل
بلوة أبتلينا قابل إحنا أهل الفيل
أي مو هذا أبرهة خلوه يرد فيله
جوعنا أبرهة وجوع أبو الكفار
تلث اسنين أسمع ماأشوف إعمار
بس بعض الحكومة أصبحت تجار
بهاي أشهد ياحسنة ابيوم وليلة
--------
تجار الحكومة والشعب حمّال
وياهو اليجي باجر نغير الحال
من هاية السوالف حملنا اجمال
إذا إنعدل وضعه ينعدل ذيله
حكومتنا الرشيدة لييش هذا البوكَ
ترة لهذا الشعب قط ماتضيع احكَوكَ
باجر بإنتفاضة إنشكَ كثير احلوكَ
عرفنا الباكَنه ونعرف اليوميله


م ن ق و ل

http://www.up7up.com/pics/g/14/1178900394.gif

تسلم ايدك اخي العزيز 000 ورحم الله الشاعر رحيم المالكي 000 فعلا قصيده تعبر عن واقع الحال0

الله يرحم الشاعر رحيم المالكي وشكرا ياعراقي الطيب

شكرا جزيلا ورحم الله ألمبدع رحيم المالكي واسكنه ألله فسيح جناته لأنه صاحب قصيدة (شلون تجري ومايك أزرق يافرات)

الله يرحم الشاعر رحيم المالكي وتسلم ايدك يلغالي على هذه المشاركة الاكثر من روعة والله يزيدك اكثر واكثر تقبل مروري يلغالي




اخوك مهند البكري

مشكور اخي العزيز طيب
و رحم الله الشاعر رحيم المالكي
فعلا قصيدة مؤثرة تليق لاوبريت حزين
ستكون رؤية فنية رائعة
مشكور على اثرائك للمنتدى مرة اخرى
تقبل تحياتي
اخوك سيرانو

مشكورررررين لدوركم بكل شي تحياتى