قصيدة شعريه بعنوان سقوط الصنم علي البهادلي

سقوط الصنم .. شعر شعبي:علي البهادلي



راح الصنم ذاك وراحتْ
ايامه
صدّام اللعين وحزبه
واجرامه
راح الصنم ماكو صنم هذا
اليوم
وماكو حزب حاكم والشعب
محكومْ
ولا جلاد يعدم والبشر
معدومْ
حزب البعث وله اندثرتْ
احلامه
راح الصنم ذاك وراحت
ايامه
[[[[[[[[[[[[[[[[[[[[[[
حزب البعث وله وابد
ماينعاد
وهذا الشعب ماطخ وانحنه
إلجلاد
ابهذا اليوم لنهه استبشرتْ
بغدادْ
من غاب الرجس وانطمرتْ
اوهامه
راح الصنم ذاك وراحتْ
ايامه
غاب الرجس كلهه استبشرتْ
هالناس
فرحتهم چبيره وابد ما
تنقاسْ
راح النذل ذاك الكاتم
الانفاسْ
عيّشهم عبيد ابسطوة
احكامه
راح الصنم ذاك وراحتْ
ايامه
آآآآآآآآآآآآآآآآآآآآآآآآآآآآآآآآآآآآآآآآآ
راداهم عبيد وبس اله
يخدمون
سلبهم كل راي وممنوع
يعترضون
كل لحظه فَرضْ بس باسمه
يتغنون
حكم بيهم حكم فرعون
واجرامه
راح الصنم ذاك وراحتْ
ايامه
حكم بيهم حكم فرعون خو
تدرون
ولن كلمن عراقي ابهالوطن
مسجون
وإذا فرعون گال انه اله
الكون
ابن صبحه جزاه ابكثرة
اصنامه
راح الصنم ذاك وراحتْ
ايامه
لآلآلآلآلآلآلآلآلآلآلآلآلآلآلآلآلآ
ملايين الاصنام انملتْ بيهه
الگاع
جداريات نشريات طرگاعات
للقعقاع
صور ماتنحسب بالعدد ساع
ابساع
المطابع بس اله تطبع
ولازلامه
راح الصنم ذاك وراحتْ
ايامه
المطابع والكوادر تشتغل
شفتاتْ
على طول الوكت تطبع تعدْ
نشراتْ
وكل يوم الجرايد تطبع
اعلانات
وصور قائد الامه غدتْ
للهامه
راح الصنم ذاك وراحتْ
ايامه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صور فارس الامه ابكل عدد
تلگه
والمايحطله صوره ينشرم
حلگه
ايروح ايغيب لن كونيته
محترگه
ذكره ايضيع ماتتلاحگه
اعمامه
راح الصنم ذاك وراحتْ
ايامه
المايمدح القائد خاين
ودجال
ملازم يعيش ويندفن
بالحال
والينقد القائد بالعجل
ينشال
بيده حفر گبره اوقّع
اعدامه
راح الصنم ذاك وراحتْ
ايامه
أأأأأأأأأأأأأأأأأأأأأأأأأأأأأأأأأأأأأأأأأأأأأأ
بيده حفر گبره العارض
المغوار
حي يدفن بعد ماتنلگي له
اخبار
رسمه ايغيب مايبقه ولا
تذكار
وعلى هالرنه عشنه ابوسط
دوّامه
راح الصنم ذاك وراحت
ايامه
على هالرنه عشنه اسنين
مظلومين
ومن شم الهوى والماي
محرومين
ابظيم انبات نصبح واحنه
مهمومين
وكل واحد صبح متوسّد
الامه
راح الصنم ذاك وراحتْ
ايامه
لآلآلآلآلآلآلآلآلآلآلآلآلآلآلآل
چنه ابظيم هسه الظيم عنه
انزال
وتونه اتنفسينه وصار ماشي
الحالْ
وتوهه الناس هادتْ ماكو قيل
وقال
ولّه الرجس هوه اوبوقه
واعلامه
راح الصنم ذاك وراحتْ
ايامه
ورغم كل المآسي ورغم كل
هالظيم
لابد ماتصحّي وينجلي
هالغيم
وهذا الشعب عاقد نيته
وبتصميم
يدوس اعلى الجروح ايحقق
احلامه
راح الصنم ذاك وراحت
ايامه
آآآآآآآآآآآآآآآآآآآآآآآآآآآآآآآآآآآآآآآآآآآآآ
يوس اعلى الجروح وابد
ماينهار
مشه ابهذا الطريق وماتهمه
اخطار
ابعون الله ونبيه وحيدر
الكرار
يبقى الوطن سالم رافع
الهامه
راح اصنم ذاك وراحتْ
ايامه
صدام اللعين وحزبه
واجرامه
؟؟؟؟؟؟؟؟؟؟؟؟؟
؟؟؟؟؟


ابو مرتضى البهادلي
علي
نوربرو
13/4/2007

صدام وله الى مزبلة التاريخ بلا رده
نعلة الله عليه جهنم وبئس المصير
شكرا على القصيده
تحياتي

اخي مصطفى البابلي اشكرك على مرورك الكريم وحياك الله