ابوذيات ....

بقلبك سالفة اني ادري وشي بيك
بأذانك منو صب حقدك ووشى بيك
منك كل تجاعيدي وشيبي
اراضيك ويحركونك علية

بشبابك احلف وصغرك وشيبك
اقهرك لوردت صدك واشيبك
شي من الغدر بية وشي بيك
ولاكن بالوفى تفوق انت بية

طيب مع الطيب بس شراني
مع الامنتة سري بس شراني
خادم للجرحتة بس شراني
واضل مطلوب الى ليوم المنية

العشك صح باع شخصك بس شراني
وانة الماشفت خيرك بس شر اني
بغيرك عشك راقي بس شراني
وطمني بعشك مابي اذية

طقعا ماغلطت وياك قطعا
شجاك اخبارك من شهور قطعا
شجرة اني وليالي جفاك قطعا
اغصاني ودلن الحطاب بية

ابد مامرني طيفك يوم قطعا
وانة الماقاطعيتك يوم قطعا
بهجرك تدري بية سيوف قطعا
دليلي وقطعن جفين ادية

بياض ونونة ومحليك ممشاك
وسلس طبعك مثل مريد ممشاك
شكينة وتعونة ونمى شك
ابشر ماتلتقي هيج اريحية

احب وجهك واحب طولك وعيناك
جنة بلا وعي وهسة وعيناك
تعال بقلبي انسبنك واعينك
مدير بقسم شريان الي بية

:66 (46):

سلمتي يارسل ابيات جميله جدا ومعنى اجمل
تحياتي واحترامي بانتظار الجديد

مشاركة جميلة جدااا
ورائعة
شكرا للرائعة رسل
مرحبا بكم اختي معنا وحياك الله
تحياتي وتقديري

مروركم نور وزاد الموضوع جمال

ابوذيات في قمة الروعه

سلمت الانامل

اجمل مروووووووووووووووووووور