شخابيط سياسي متقاعد
اجتمعوا لا ما اجتمعوا لا هم مجتمعون
قرروا تناقشوا اشلون نزرع الزيتــــون
الاجازة نمددها لا انقللها مايـــــــتفقون
قرروا تشكيل لجنة تسافر للمــــــــالديف
والشعب ميت من الجوع ويدور الرغيف
لا مو فلان باللجنه دزو ابو دم الـــخفيف
واحد بعمان واحد بدبي واحد بلـــندن
هذا يكول احنا واحنا احسن مــــــعدن
والثاني يكول احنه الخففنا المـــــــحن
مكاطف الحجي كل واحد من مــــــــكان
هذا يريد يرجعنا لايام راحت من زمــان
وهذا يصيح ويستريح خل نصير اخوان
ماكو كهرباء ومـــــــــاي وغاز وماكو نـفط
والخـــــطف بالجمله بالقوه ويشحطوه شــحط
وتالي بالجتماع يردون يحطون الحروف عنقط
راح واحد وكلنا الخلف بالتالي
جان العراق اول صار تــــالي
لازرعي ولا نخلي ولا تا لــي
اجه الثاني كلنه اجه وياه الخير
وراح يسوي الماجان يــــصير
طلع صاحبنا بابره يحفر الـبير
الجدر ما يكعد الا على الثــالث
لوباقين على الراحوا وبلا ثـالث
هسه وصلنا واحد اثنين والثالث
بس خطابات واجتــــــماعات وزيارات
ياحبهم للكراسي والمقابلات علفضائيات
ما كفاهم الخمط صار التحويل باللوريات
خطه امنية وجابو احدث التكنيكيات
كاشفة اسلحه ومخدرات ومتفجرات
طلعت كلها فشنك بس بـــــــوزات
هيه هيه ما اتغيرت الانفــــجارات
اعظمية منصور ثوره كريــــعات
وجثث اولاد الخايبة اتعدت الميات
اشوكت تصفه ياعراق الكرامــــــــــــــــــات
اشوكت تخلص ياعراق من هل المـــــاركات
اذا اعتبرو كرسي الرئاسه من ضمن التركات
