حرت بين الفرح والحزن والمجهول ......؟؟؟

:66 (46):
حرت بين الفرح والحزن والمجهول

وبين اللي اشوفه وحالة التجديد

لان كلشي ضباب وخبطة الالوان

وماادري العرب شتخطط وشتريد

قبلتنه سوه والدين نفس الدين

والقران واحد والهدى التوحيد

شبده من العراق وياذنب سواه

مساجدهم علينه اتحولت تجنيد

يالرايد جهاد القدس ذيج وروح

اذا مسلم صدك توصله كون اتريد

اسود اعله الاخو واعله الغريب اضباع

ضمائرهم مقابر والعتب شيفيد

اجيتك سيدي يحسين ورد انخاك

جزه حد الصبر والفرج صار ابعيد

شلت جرحي اعله اديه وجيت الك شكاي

على الدمر بلادي الشكوى بالتاكيد

كل يوم اليمر من دمنه نسكي الكاع

ومعانات الشعب ماتنتهي وتزيد

الوطن اخ الوطن ياكبر جرح البيه

حته ابنه تحزم سهم منه ايريد

شسولف عالوضع ماينوصف مولاي

شوارعنه تبيع الموت بالتقصيد

مئات امن البشر يوميه صرعه اتطيح

ضحايا ابلا ذنب بس نسمع التنديد

الكرم عدنه اختلف مو اكل لاارواح

ردت كربله وعاشور اصبح عيد

نفس الكطع راسك رجع ماكفاه

رجع يشلع اعيون وكطع حته الايد

مثل ذيج السبايا المشت لارض الشام

عوائل هجروهه ابقوة التهديد

ابو السجاد عذرا لو شكيت الحال

لان احنه السبب وادري الندم ميفيد

بس حركة كلب شفت الوطن مذبوح:66 (46):

بسم الله الرحمن الرحيم
اللهم صل على محمد وال محمد
نقله مباركه اخي foraten.net/?foraten.net/?foraten.net/?foraten.net/? النجفي بارك الله فيكم
مأجور انشاء الله
عزيزي المفروض ان تضع اسم الشاعر او تكتب تحت القصيدة منقول للامانه
تحياتي

مشكوووووووووووووررررررررررر اخي واعاشت ايدك

تحياتي الك