عرض للطباعة
أكثر من أحبك آنه احبنّك
اجر حسبات بيك وبيك اسولف دوم
واتاني الليل يطلــع يعد حسباتي
وأصفن بيـك اشوفن صورتك بالعين
وتالي الگــآك صفنه بضمن صفناتـي
واساهرلك ليالي واگعد ويه الضيم
والگاك آنه ونـّه بين وناتـــي
وألاعب طيفك الغافي اعله رمش العين
وبس افتح جفونـي تزيد لوعاتـي
مو چيف آنه احبك دوم افكـر بيك
بس چيف انتَ صايــر ضمن صفحاتـي
ولو حتى القلم يعجز يخط احروف
اخطلك دمـع عيني ابوسط ورقاتي
أكثر من أحبك آنه احبنّك
وأذا اگولن احبك تدري ما وفيت
اكثر من أحبك انه احبـــنك
ومآ اگولن اريد
الله جميل تحياتي الك العراقي الطيب
حته كلماتك تدل على طيبتك تقبل مروري
ابو كركور
كثر بحسنك وبجمالك وصفنه
وحبك يرادله كعدة وجلسه وصفنه
اتمنى من الله اتكون بمدرستنا وصفنا
ذا تاخذ صفر انطيك مية
شكرا لك العراقي الطيب على هذا الشعر الطيب
ولو حتى القلم يعجز يخط احروف
اخطلك دمـع عيني ابوسط ورقاتي
انا عجزت و انا اكول انو خواطرك رائعة هههههه اريد كلمة اكبر من رائعة لئن كلماتك صدق روعة
تحياتي
واكثر من الحب اني احبك ................ انت رائع اخ عراقي كل شئ يصدر من اقلامك تحمل احساس رائعه وصادقه وجميله
بسم الله الرحمن الرحيم
اللهم صل على محمد وال محمد
احسنت وابدعت عزيز العراقي الطيب رعاكم اللله
أسأل الله ان يمن عليكم بالصحه والسعاده ويجنبكم كل مكروه
تقبلوا فائق احترامي وتقديري
تحياتي