جرح العراق جرح الحسين

نزف جرح العراق وجرح الحسين ... وصرخ صوت الضمير مــن السماوات
طف أبكل مدينه أنشوف كـل يوم ... وبالطف نسمع أصــــوات أنفجــــارت
شفنه الشمر يكطع راس الحسين ..... وأخــذ تأييد مــن كل الحكومـات
وشفنـــه الراس لمـن شالته ارماح ...وشفنــه شلون بي شارة وكرامـات
ودبـابـات شفنـــــه أتـــرض بـالظلوع ... وأيـــــام الحـــزن عشناهــــه مأســـاة
عـراق انتـــه الحسين وانتـــه عباس....وحسين انتـــه العراق أو بيك طعنات
بـــس الفـــرق انتــــه ابسيف مذبـــوح .... بس ذبحو عراقــــك بالشعــــارات
وعلى هاي المصايب تبـچي العيون ..... والقــرآن تجــري ادمــــوعـــه آيــات
ومثــــل مـــاذَبحـــو انصـــار ك حسين .....رد الشمــــر يذبـــح عالهويــــــــــات
ومـــن كَـــد القطع ســـود الحياطين ......وصــار الموت ياخذنه جماعـات
ومـــا مـــــرة سمعنه ألصاح لبيك ...... أظـن صـــوت الضميــر البلأرض مــــات
حسين أنطـة النفس والروح والجاه ..... وضحـة ابــدم وريـدة بالملمات
وخط منهـاج ثـورة الكل الأجيال ... ويبقى حسين عبـرة ومــو عبارات
ومــارا يـد حسين اللطم والنـوح ....ومـا رايـد عـزاء ولا شعــارات
رادك حـر تعيـش ألـراس مرفـوع .... ولهـذا هتـف للذلــه هيهـات

مشكور والله اكثر من رووعه تقبل مروري وجنه الحديثي

حياكي الله

شكراا على المرور الجميل

مبدع وسلمت الانامل التي سطرت هذه الحروف ونتمنى لك الموفقية والمزيد

تقبل مروري

حبيبي استاذ ماجد شرفتنا بمرورك الكريم

تحياتي الك

مولاي ابو كركور
عاشت الايادي اللي كتبتنا هذا الكلمات الجميلة من بنات افكارك
ربي يستر عليك بحق محمد وال بيت محمد
ويخليلك عيالك

حبيبي الغالي سيزر شكرااا الك او ربي ايحفضك مولاك الحسين

احييك واقف اجلالاً لهذه الكلمات الصادقه لعراق الحسين بوركت اناملك اخي ابو كركور