ابوذيات~~~~~

ابوذيات يا رب تعجبكم فد شي جديد

بسم الله الرحمن الرحيم
تروح الروح بغيابك واردها
وكتاب اجفاك يمدلل وردها
روحي بغيابك تره يذبل وردها
ماي انته وترد الروح بيه
******
احبك من زغر عودي وسني
ومن حبك صقط شعري وسني
على حالي بجه شيعي وسني
وثالثهم مسيحي الون عليه
******
احبك ما احب على الارض سواك
وسبحانه الذي من طين سواك
بشر لكن ويه الكمر ساواك
واحد فوك اواحد بين اديه
******
كل مغرب بدت علته وناله
وسعيد الي حضه بشخصك وناله
الطارش من سمع نوحي وناله
ترك شغله وبجه رحمه عليه
*******
وحك روحي التحبك والتهابك
جمر بعدك حركني والتهابك
هايم بيك عقلي والتها بك
جذب مثلك حبيب ايصير اليه
********
بلاحد هجرك يولفي صاير بلا حد
مثل سيف اليكص ركبه بلا حد
كتلي اختفي وارجع با الاحد
اجه الاحد وكمت ما تسال عليه
********
اعلن يا كلب حبك وشيعه
واتبع راي كل مخلص وشيعه
عيب حجايت السنه والشيعه
الوطن لهل الوطن كلهم سويه
********
بعد عينك حبيبي الدنيا مره
صدكني اليحب بعمره مره
ردت طيفك يمرني بيوم مره
واراويه شعمل فركاك بيه
********
شلت حبك بعيني وبين رمشي
سهرت وما غمضت لحضات رمشي
اذا خفتي على الدولار رمشي
واني اتصل بس رمشي عليه
*******
خجل طعم العسل من ضاك نفسك
وشكثر طيبين بس ما شفت نفسك
احلفك يا حبيبي تبوس نفسك
بس بداخلك تنويه اليه
*******
خلافك بعد اسامر مو انادم
ومتحسر على شوفتك ونادم
عيون الناس مي تجري ونا دم
بجت من فركاك اليه
******
وحك الي تعبده الناس منشاف
الدمع من يومكم لليوم منشاف
الف يا حيف شي الي انكطع منشاف
بجت عيون من فركاك اليه
*********
تموت الروح يا صاحب بعدكم
وجفن العين ما غمض بعدكم
تره شما طال يل غالي بعدكم
تضل غالي واعز من روحي عليه
*******


علينه هلال بدرك شرك منهل
والي دمع اني وكت غياب منهل
تحيه من ارض بغداد بهل يوم المنهل
واريد بوسه لليكتب ابوذيه


مما راق لي

احبك من زغر عودي وسني
ومن حبك صقط شعري وسني
على حالي بجه شيعي وسني
وثالثهم مسيحي الون عليه
******
احبك ما احب على الارض سواك
وسبحانه الذي من طين سواك
بشر لكن ويه الكمر ساواك
واحد فوك اواحد بين اديه


ابوذيات رائعه وجميله
يسلم الاختيار والذوق الراقي
اتحفتينا اخت نور والله من زمان افتقدناالى
مواضيعك ومروك الجميل لك فائق
تقديري

فائق شكري وامتناني لشخصك الكريم