يا طير ودعتك
يا حمدان ودعتك صقاقيـر زايـد
ناس تعز الطيـر وتعـز شانـه
بلاه رباهـم علـى هـل عوايـد
كنه ترك فيهم غلا الطيـر امانـه
اميـر شعـب ولصقاقيـر قايـد
بالعقل والتفكيـر سابـق زمانـه
الله خلـق زايـد لغيـره فوايـد
الله مـن نفـس شملهـا حنانـه
دوك الطيرور مخظبات العوايـد
مبطي ولا يرضا لهـن بالاهانـه
برنامجه بالطيـر مـزال رايـد
يجني ويطلق كل طيـر بمكانـه
وانا على سلمه عسا السلم سايـد
ما ارخصتك للي يسومك لعانـه
حمدان ذا حقك ولا هـوب كايـد
الا مثل شرواك عنـده حصانـه
بـلاك فعـل وثقتـه القصـايـد
ماهـي قصايـد عذبتـي فلانـه
من طيب فعلك قلت فيك الفرايـد
كم واحد قد قـال يسلـم لسانـه
رح علها سفره وطاريـك عايـد
لابد تطريلـي ةخذهـا ضمانـه
ماتنسي ذيـك الطلـوع والبعايـد
وذاك الجناح الي يسر احقلانـه
ياكثر ماقلت ابشرو الطير صايـد
وكثر ماقلـت ابحروهـا وزانـه
وياكثر ما علمت منـك الجدايـد
فروخ لاهلها في خفوقي مكانـه
عشرت سنين بين صايـد وفايـد
ما يوم قلت الطير شـدو قرانـه
بلاك ميـلاف طلوعـك وكايـد
يفداك من اطلقـه راعيـه خانـه
عندي حشيم ولك غـلا بالورايـد
ماوالله اذكر قالـوا فـلان هانـه
اي اطلقك لا يا عـذاب الشرايـد
هذي ولا قولت ذبحـك اقديانـه
واخير من قولت التوى بالجدايـد
في مربطن رمل السوافي دفانـه
والا مريـض بقطـوه الـولايـد
من جاه قل الطير صعب اشفيانه
لاح والعشا صيدك خيار الطرايد
من كفك الـي خابريـن اعلقانـه
لا يردعك روف البلاد المحايـد
ولا يردعك سبـق يغشـك ليانـه
تمسي بعيد وكل ما اصبحت صايد
في ديرتن لك مع جبلهـا ميانـه
لطير حب وحب شـرواك زايـد
يا واحدن له في خفوقـي مكانـه
قصيده قريتها وحبيتها وحبيت انقلها لكم ويارب تنال اعجابكم!!!!!!!!!!!!؟؟؟؟؟؟؟؟
