ابوذيات أعجبتني

ابوذيات عتاب وحزن للصديق........
حسن زيدان

عجز جدمي يصاحب كَوم وجلاي
ومظن يبرن جروح احشاي وجلاي
مر الماي احس بعداك وجلاي
وصرت للناس مثله لكل بليه
...........................
يخايب مثل مبجي عليك بجلاي
وصفنتي عليك صفنت ميت بجلاي
لون جرحين ثلث جروح بجلاي
طبت لاجن الف دولاب بيه
...........................
عساني لاصبّح صبحي ولامساي
حزين وما فرح يومي ولامساي
صرت ماوجد بشوفي ولمساي
تساوه النور والظلمه عليه
.........................
يدنيه بلظى جمرج كَلي بينا
وعلى هموم الليالي كَلي بينا
دذبحي بسيف ظلمج كَلي بينا
بقيت السيف انمى اعله الوطيه
.........................
يدنيه بسيف غدرج حاربينا
وفضاج امن المصايب حاربينا
سلب طبعج مزايا حاربينا
ويعير ابن الزواني بكل مزيه
.........................
عجيبه الدنيا هاي شلون دنيا
وعجيبه نفوس اهلها شلون دنيا
يساعتها دعجلي وبعد دن يا
جرسها وتحتركَ هاي الدنيّه
................

عساني لاصبّح صبحي ولامساي
حزين وما فرح يومي ولامساي
صرت ماوجد بشوفي ولمساي
تساوه النور والظلمه عليه

جميل جدا قد راق لي ما طرحت تحياتي الك
تقبلي مروري البسيط

جميل جدا ابيات تستحق الوقوف عندها شكرا
لك نور الهدى وتقبلي مروري وتحياتي:66 (46):

يدنيه بسيف غدرج حاربينا
وفضاج امن المصايب حاربينا
سلب طبعج مزايا حاربينا
ويعير ابن الزواني بكل مزيه


حياج ياوردة ابوذية روعة تحياتي لك وللانتقاء المميز
لك حبي وتقديري