انقل لكم اخواني اخواتي قصيده شعبيه احفظها منذ مده طويله لكني اجهل شاعرها 000 اتمنا ان تنال اعجابكم 0
خطـــــــار
وصلت لحدها الروح بالعمر ظل تـــوالي
هالليله يمك ياتــــــرف باجـــر اشــد رحالي
خطار اجيتك من بعد طايح دخيل أبيتك
من بعد ماذبني الوكت مجبور وتعنيتك
وشما اسومك بالثمن حكي من اسوم بغالي
هالليله يمك ياترف باجر اشد رحالي
خطار اجيتك غايتي اكضي اسواد الليله
أوي الفجر بي الظعن ينوي يناهي ارحيله
ماجيتك وكصدي الألم عن الدليل اتشيله
أتسامر وياك بشرط الواشي لا تحجيله
الواشي بيه لو دره موتي يناهي اشوالي
هألليله يمك ياترف باجر اشد رحالي
أوصيك بيه لو طحت خليهَ هاي ابالك
لتخلي يسمع عاذلي وينجمع وي عذالك
ولا تلبس ثياب الحزن ثوب الحزن يحلالك
ولا تكفخ على الخد كفخ الخد يكوم يلالي
هالليله يمك ياترف باجر اشد ارحالي
اوصيك بيه لو متت بين النهود احظني
ما اريد ماي الغسل بدموعك اتغسلني
ولا اريد خام الجفن بثيابك اتجفني
طب انتَ كبلي بالحد اتحبني وتنومني
ومسموح الك ذاك الوكت تعاشر وليف ابدالي
هالليله يمك ياترف باجر اشد ارحالي 000 باجر اشد ارحالي
