سلمتك كلب صافي ...

سـلـمـتـك كـلـب صـافـي وتـالـي بـغدر جازيته

سـمـع مـنـك كـلام احـبـاب بـس يومين هنيته

كـلـي شـغـيـرك عـنـي وكـلـبـك بـيـدي ربـيته

وكلت اسكن وسط عينه ويصيرن نصفي ياريته

واشـوفـه بـصـحـوته ونـومه واذا بردان غـطـيته

واذا جـاه الـعـطـش فـد يوم ماي التعين صبيته

وكتبت اسمك وسط جفني بدمعة فرح خطيته

تـعـرف انـتـه بـعـد الـصـار كـلبـي شلون خليته؟

مـثـل تـايـه وسـط صـحـراء مـا يـنـدل درب بيته

مـثـل نـاطر يشـوف احباب فجـأة وماتت امنيته

مـثـل حـاكم ترك لبلاد ضاع اسمه وفقد صيته

تـعـرف انـي شـتـمـنـيـت لـمن كـلـبي بـجيته

بـس شـوفـة غـدر وفـراك لـك هـذا الـتـمنيته

يـالـشـايف دكـول آمـيـن بـحـق الله وأهل بيته



اعجبتني

السلام عليكم
اخت زهراءهاي الناس---كله مكلبه مكلوب
امس يحلفلك يحبك----قدر هذا عليه مكتوب
امانه وداعة الخير---مر بيه شيل عنه اذنوب
من تكله الك لبيك---يبدل تمرك بخرنـــــــــوب
يسولفلك حجي بوجهين--ينسه المحب والمحبوب
واني بلا كلب امشي--وكلبي شماانجوه ميتوب
-----------------------------------------
تقبلي مروري شكرا لك

جميل ..جميل ..جميل

احسنت ايتها اللطيفة بذوقك الجميل

كلمات جدا جميلة

معطرة بقلمك الرائع

احسنت الاحظار يا مبدعة .

نطيت الكلــــــــب بيد هواي والغــــــــــــادر ولا رده
ولا شفت بمحبته انصــــــــاف لو نظرة عطف عنده
وانا شما جنت اكول يطيب جرحــــــي يرد بعد ينده
اهي غلطة يبنت الناس لو لجل السراب الماي يتبده
يحتاج المحب ميزان ... يوزن كل بشر وحـــــــده
ويشوف البيه والمابيه ... ذهب مسكوك لو خرده
شيفيدك محب غدار ... يخلــــــــــــط بالـهزل جده
اليحب تايه يبنت الناس ... وطريقه ملاوع وشـده
وتدرين اليحب يحتاج ....في اليكـــعد بســــــــــده
في بسد نقيَ الذات .. ذاك اليحفــــــــــــظ العهـــده


اسف جدا للأطالة ... لكن جمال القصيدة وحسن الاختيار تستحق اكثر من هذا ... اجمل تحياتي

عاشت ايدك خيي ابو الليث
لا عاب حلكك

شكرا الك
على كلماتك الماسية

تحياتي

نظرات تؤرقني
شكرا لك يا لطيف
اسعدني مرورك

يحتاج المحب ميزان ... يوزن كل بشر وحـــــــده
ويشوف البيه والمابيه ... ذهب مسكوك لو خرده
شيفيدك محب غدار ... يخلــــــــــــط بالـهزل جده


سلمت اناملك يا ابن البصرة
شكري وتحياتي لشخصك