احسد باب بيتك جيا يشوفك دوم
واتمنى اصير ابابكم عتبه
تسحني وابوس الجدم لو مريت
وما اكولن بعد بطلت ما حبه
من اسمع اجيت اتشوفني ومشتاك
كبل الساني عيني ابجيتك امرحبه
اخجل من جمالك بيه لو صديت
وحسبه اتروح اظل وهم تجي حسبه
شايل مو رمش بالعين شلت اسيوف
وكل واحد لمحهن صوبن كلبه
ساحة معركة اخدودك وثغرك قوس
وكل عاشك اسهامك روحه اتسلبه
بس الباسهن ينولد من اجديد
ويحس روحه اوي روحك هيه المجلبه
مما راق لي
