لأعظم نسب بالبشر هنيالة مَن ينساب
باحسن خُلُق صَوّرَه ماله ثغر ينساب
ردّ الفضل صاحبه . ومن غيره خل ينساب
بالعترة ثاني ثقل ربّ العلى أيّد
يا بخت كلمن صُبَح جدّه النبي وأي يد ؟
قدرة الباري علت منّ الخلق أي يد
يدّ الكفر ظالمة،مال الكُفَر مَحْتِمَل ؟
بس الموالي دَرة ، شاف الفضل محتَمَل
بُرهان ربّك بلج ماكو بعد مُحْتَمَل
وآنه لأرض كربلة مديت أعظم جسر
بحال همي أعتني ،وأرد مبهج سر
هايم بروض العشق مابالي باليجسر
شعبان بيك البدر خامس أيام الشهر
هالبدر مو بالسما، قمر العشيرة انشهر
عباس يابا الفضل سيف الغضب من شهر
أبطالهم ترتجف قص الصخر قصه
بيك السبط يفتخر مكتوب عالقصة
الفضل يروي إلك عن والده القصة
يحسين يا مهجتي أشرف ذكر وصفه
دكتور كل العلل بس بيدك الوصفة
يا أنقى وأجمل أسم من الذهب أصفة
بأحلة ذكر من كتر ماي الورد ينساب
