مصرع العباس (ع)

القصيدة للشاعر بشار الشداد الحياوي
القاها ليلة العاشر من المحرم في مدينة الحي
........
(مصرع العباس ـ ع ـ )
............
من عل النهر طاحت رايتك عباس
يا راية البقت عل الكاع مرفوعة
من كطعوا جفوفك يا عضيد حسين
جف النعمه عنهم صفت مكطوعه
من طفه السهم يا ابو الفضل عينك
عين الشمس رمده وتحس باللوعه
يا صاحب الغيره الما شربت الماي
جيف عيال حيدر عنه ممنوعه
من جودك انصاب و سال منه الماي
خجل نهر الفرات ونشف ينبوعه
ما خجلت كلوب العايشه على الذل
لأن معروفه منها الرحمه منزرعه
من راسك انصاب و خضباه الدم
دم نزفت اصول الدين و فروعه
ومن نادى المنادي بمصرعك بالطف
انحز نحر الحسين و داسو ضلوعه
و من صاح الحسين انكسر ظهري الأن
دم العرش لجلك هلت دموعه
ومن صرخت النسوة و فزعت الأطفال
صرخت فاطمة وصرختها مسموعه
يا باب الحوائج عازتك هاليوم
عدوان على اخوك حسين مجموعه
حتى الحجر كلبه المصرعك مهموم
لأن ايتام تصرخ بيك مفجوعه
لأن أم الصبر ما ضل صبر عدها
و لا عدها ولي و تتأمل رجوعه
الشرع للظلم و الجور يا عباس
بمصابك نجح عالأمة مشروعه