هذا جرحك بالضمير المات بيك
امشي عني وروح للباعك رخيص
ما بعد اشريك لو أبخس ثمن
جرحك امدمل أبد مالك علاج
مايفيد اضماد يل جرحك نتن
مايفيدك ثق بعد اكبر علاج
والله لو حطيت انواع الكَطن
هذا جرحك بالضمير المات بيك
والله مايسوى العتب واحد عفن
الصغتله ادموعي انهار بجفاف
والصرتله ادروع بوقات المحن
ذهبي نادر اولي وما بي شواب
وما تبدل سعري غالي ابكل زمن
وانت تبقى ارخيص منك بالالوف
هم سمعت ابيوم شحه اعله التبن
الجرح خله السوالف تبجي نار
وخلها تتحاظن سوالفي حظن
انا ما غيبك ولا سولف عليك
انا مو مثلك مله أكَليبي الجبُن
انا اكَصي عليك بشعاري النهار
ما اسولف بيك بالظلمه وطعن
انا اكَلك شوف وبخطي العريض
ظل ردي وطبعك يظل واطي ودفن
انا واثق خطوتي بعز الطريق
انا مومثلك تهت عن الظعن
عينك الصلفه البجت لجل الرياء
عفيه عينك مستحت من الجفن
وعفيه كَصتك معركَت من الحياء
ودمعك الماصخ بجفك منحفن
انت ابشرك موتتك موتت لئام
وموتت العفنين سولفلي شتظن!!
الشاعر
رآفت الحديثي
رد: هذا جرحك بالضمير المات بيك
روعه اخويه قصيده قوية صح اللسان الشاعر رآفت الحديثي تحياتي الكـ ياغالي
رد: هذا جرحك بالضمير المات بيك
الله عاشت ايدك وذوقكك على الاختيار
الراقي تقبل مروري وتحياتي مع كل الحب
رد: هذا جرحك بالضمير المات بيك
حي الله ابن اخوي الغالي وطيب ألله انفاس شاعر القصيدة مع تحياتي
رد: هذا جرحك بالضمير المات بيك
روووووووووووووعه الكالمات عاشت ايدك
رد: هذا جرحك بالضمير المات بيك
اقتباس:
المشاركة الأصلية كتبت بواسطة كبريــاء رجـل
روعه اخويه قصيده قوية صح اللسان الشاعر رآفت الحديثي تحياتي الكـ ياغالي
الف شكر لمرورك العطر
تقبل تحياتي وتقديري
رد: هذا جرحك بالضمير المات بيك
اقتباس:
المشاركة الأصلية كتبت بواسطة فاتن وهيب
الله عاشت ايدك وذوقكك على الاختيار
الراقي تقبل مروري وتحياتي مع كل الحب
الاخت فاتن وهيب شكرا جزيلا لمرورك العطر
تقبلي تحياتي وتقديري
