بيك الشفايف

يالمفخور خصرك بي تباهي الناس
نسيت آنه الفخرته ابحر براكيني

اهمس جوه اذنك بين اديه اتذوب
اوتصرخ من المك بعد بديني

مشت بيك الشفايف مشية السكران
و شاماتك صحت هيه التدليني

اسد باب العقل من انسجم وياك
وافتح باب اطلّع كل سواديني

چنت تغفه اعلى صدري اوتستلذ بالنوم
وشعرك چان مدمن مشط چفيني

وذا صابك مرض اتمنه بيه ايصير
واتقصد احضنك حتى تعديني

شتلتك عود يابس شارد امن النار
ويوم الخضّرت تنكر فضل طيني

عفت گاعي غفل خط رجعه ماخليت
وسكنت ابمزهريه من خزف صيني

ورداتك وحيده امگابله الشباك
تحلم بالندى اوتتذكراسنيني

اسنين الچنت اذبحك بس چنت ترتاح
اومن تنزف وراهه اتبوس سچيني

وازاك الخريف اتريد هسه اتعود
ماترهم بعد لو ترهم ابعيني

لان بيه طبع ماالتفت عالراح
عاشرتك زمن تعرف قوانيني

بس ايجوز اسامح گلبي بالساعات
لتگلي ا شوكت. من الله يهديني

رااااااااااااااااااااااااقي
يارااااااااااااااااااااااقي
تحياتي الك

تسلم اناملك يالمشكور (شويه الحجم مال الخط خلي اكبر)
دوهني الوكت خلاني ماشوف-صبح حتى المشي بتمهمز الراك
تقبلي مروري وتحياتي

شتلتك عود يابس شارد امن النار
ويوم الخضّرت تنكر فضل طيني

عفت گاعي غفل خط رجعه ماخليت
وسكنت ابمزهريه من خزف صيني

ورداتك وحيده امگابله الشباك
تحلم بالندى اوتتذكراسنيني

اسنين الچنت اذبحك بس چنت ترتاح
اومن تنزف وراهه اتبوس سچيني


الله عليك يامبدع اي هيج عيني شاعرنا المبدع
خليني نتمتع بابداعاتك تحياتي لك مع كل الحب

عاشت اناملك مشكور يالمشكور