دارميات فاتن وهيب وسجادالرحال (ناكر الطيب)

هي

روحي اشتهت ملكاك ياناكر الطيب
ماغزرت وياك طبعك طبع ذيب


هو

اشتترجه من الذيب طبعه الغدر دوم
بيدك تهَبله الروح وايحملــك اهموم

هي

اصبحت بيه اليوم عله شكبرها
وانهجم بيت الروح مكثر صبرها



هو

لومالصبر بالروح جاخلصت ابساع
حط للجرح تيزاب وانهض كالشراع

هي

اهوايه ازامط بيك اهوايه كلش
لنك اويه الشمات بيدك تفلش

هو

ليش التزامط بيه ينكَلب حيه
يطبكَ اويالشمات ذب سمه بيه

هي
هلهل ياشامت حيل خل يسمعونك
ضعن الاحبه شال كرت عيونك

هو
لوم الشماته ايهون اسمع وعــــدي
بس من يروح اهواي شيبقه عندي

هي
مدري شبلاها الناس متغيرة كلش
ظاهر صدك بس حيف باطنها غش

هو

ظاهرعسل بلسان صدكَيني هالناس
ثعلب يصير اوياج من يوكَع الفاس


مع تحياتي وشكري للمبدع الرحال

روووووووووووووووووووووووووووعه

دارميات تخبل

جزيل الشكر والامتنان ياسامي المشكور

للمرور والمتابعه