اشوفن وجهك انته ووجهي ماشفته

كافي ارجع ولك ما هزك انت الشوك

كافي ارجع ولك ما هزك انت الشوك
لو كلبك صدك عن دربي وخرته..
وكافي ارجع ولك وارحم دموع العين
وارحم كلب صار هواي سهرته..
وكافي ارجع ولك موبيك اشوف الناس
وشوفي خلاف شوفك والله طلكته..
وملتني العيون وملني دمع العين
حتى كليبي مل ذاك اليوِّن سكته..
وملتني السوالف جيف اسولف بيك
حتى اسمي إمن اكوله اذكرك انته ..
واذكرك من اباوع وجهي كل يوم
اشوفن وجهك انت ووجهي ما شفته...
وبس انت حبيبي خلاف هاي الناس
انت اصبحت اني واني العشكته..
واسمعهه تصيح بأسمك النبضات
ياونسة فؤادي وياك كل وكته..
كلي آنه غلط حبيتك انت هواي
موش آنه التحبني وليش عذبته؟؟...
وآخرهه ارد اكلك ليش يبن الناس
كلبي الربى بعزك ليش يتمته...
كلبي الـــــــــــــــربى بعزك ليــــــــــــــــش يتمــــتـــــــه

كلمات بغاية الروعة ... دام قلمك المتميز اخي الغالي

اخي ابن البصره
رائع بتواجدك
رائع بردودك
لك تقديري