بقلمي-گالولي تبدل كلبك اندار

{گالولي تبدل گلبك اندار}



گالولي تبدل--------- گلبك أندار
بعد ما چان الي صاير عليه
گالولي وگلت--- مو صح الاخبار
أريد اسمع كلامك انته بيه
صدگ صرح المحبه-- طاح ونهار
وصار أعله الارض بيت الثريه
صدگ وردك صبح --بغيابي نوار
وطاح وي الشمس بالمغربيه
صدگ طير الفجر ما صلى بالدار
وصلاهن قضى بعد المسيه
معقوله الذهب---- يتبدل أحجار
وترد اعله التنك تاخذ حليه
أجيت وما دريت شصار ما صار
جبت وياي أخبار وهديه
صغت گلبي معاضد الك وسوار
وشايل صوغتي بثنين اديه
أجيتك وش لگيتك مثل منشار
خلصت العهد صاير دميّه
أتركتني بلا درب ضليت محتار
اغني أعله الدرب للناصريه

كلمات
ناصر اسماعيل الموزاني

كلام رائع وجميل ... سلمت على هذا الابداع

الله الله الله روعة ياموزاني عاش قلمك

يامبدع تحياتي لك من القلب

اقتباس:

---

المشاركة الأصلية كتبت بواسطة Broken oars

كلام رائع وجميل ... سلمت على هذا الابداع

---

شكرا للمرور الجميل لك كل الورد والاماني