البرنامج الكامل لليوم الخامس من محرم2012مع يوتيوب باوزان اللطميات

البرنامج الكامل لليوم الخامس من محرم (للرواديد)

نعي
يا من تنصرون الطهر تفديكم العين...حامو على هاي العياله وحامو اهل الحسين
عطشانه الاطفال بغرب والعايل يحوم..وجر على خدور الحرم بالمالم البين
بنت القلع باب الكفر اَنه ام المصاب...اَنه الفكدت الوالده العصروهه بالباب
اَنه الشفت جبد الحسن بالسم غده اوصال.....واليوم ابن هند لهلي وده الملاعين

ــــــــــــــ



ثكيل
اجيت وياك....يخي بحماك....جيوش عداك....تريد الثار
اشوف الكوم....علينه تحوم....اريد اليوم....تكوم انصار


يخويه بحيرتي وكل هضمتي اشكيلك..واهل دمعاتي يبن البضعه واحجيلك
دخيله الله العدل يا خويه ودخيلك..بعد رب الجلاله وجدي اناجيلك
حرت وحسين....يهيل العين....علل صفين....يبو الحسنين
حرم وخدور....كلب مكسور....علينه تدور....تره الكفار
اجيت وياك....يخي بحماك....جيوش عداك....تريد الثار
اشوف الكوم....علينه تحوم....اريد اليوم.....تكوم انصار



يحامي العايله وحامي بفخر جارك..بعد شنهي السبب والعله باعذارك
على جروف النوايب ترتعد دارك..يمن عند الله وحده ومرسله اسرارك
عليله الروح....علل وجروح....حزن مسفوح....حمل مطروح
تشيب الروس....سهم مغروس....كلب متروس....ضليمه بنار


اريد انصار ابو الاكبر يوالوني..ينصرون البقه بحيره وينصروني
انه دموم بغيابك تهمل عيوني..يبويه ولا بكت كل كطره بجفوني
اهيل بجاي....حرمنه وياي....تريد الماي....شفت بلواي
جثيره الناس....تدك اجراس....هجم عباس....ضوه الاقمار


اعاتب والعتب يابا الحسن شيفيد..اخوتي بهالغرب تتركني وحدي تريد
جمع جيش اَل اميه ابن الضغينه يزيد..بكيت اصفك يبويه بحسره ايد بايد
اخوي الصاح....على الحك طاح....تركني وراح....تعيكَه جراح
صحت لاوين....ينور العين....ادير العين....يحامي الجار



انه الشفت الخدر لاج بصعب همه..وانه الشفت الطفل من رفرف بدمه
انه الشفت النحر يكطر لابو اليمه..وانه الشفت العجيد مخضب بسهمه
اجتني صفوف....عليه تطوف....حقد معروف....يوالد شوف
بجتلي اطفال....مشتلي عيال....وانه بيا حال....جثيره اشرار


احلفج بالحسن يا يمه احضريني..انه البعدج فلا واحد يداويني
اريدج بالطفوف هنا تلاكيني..على مصابي الذبحني وسلني واسيني
كضيت سنين....ينور العين....اشوف البين....هضم صفين
فلا انساج....بقت بلواج....انين بجاج....دمه البسمار




نزله
ـــ
انصارك احنه وننصر اليوم الزجيه..نفنيهه ومصاب العقيله الغاضريه

نفنيهه بسيوف ونبل كوم الضلاله...حيدر
نجم الجنان ويه الطهر بين هلاله...حيدر
هاي العقيله بكربله وحالتهه حاله...حيدر
موت اليقين بعاشكك يالحر حلاله...حيدر
نطويهه بدموم الكفر هاي الوطيه..نفنيهه ومصاب العقيله الغاضريه
انصر عقيلة حيدر بدمي ووريدي...حيدر
هيهات اذل لهل الكفر خطي ونشيدي...حيدر
سيف الشدايد عاليضد بالحك عضيدي...حيدر
انصر حسين وعيلته وافني اليزيدي...حيدر
اشهد يقالع خيبر وحامي الحميه..نفنيهه ومصاب العقيله الغاضريه



نلعنهه كوم الخارجه واهل السقيفه...حيدر
ونفديهه بالدم فاطمه البضعه الشريفه...حيدر
يا سافل لخدر الحرم يدنه ويحيفه...حيدر
بينه الزنود معلّمه وجسره وخفيفه...حيدر
نحميهه لخدور النبي وخير البريه....نفنيهه ومصاب العقيله الغاضريه




جافل ضعن زينب حمل للحك لوانه...حيدر
منوانه لتراب الطهر والله وهوانه...حيدر
حيدرنه ديوان العدل للحك هدانه...حيدر
نطويهه بدموم الارض هيه وسمانه...حيدر
ماهزت ايمان المحب هاي المنيه....نفنيهه ومصاب العقيله الغاضريه






شدينه شد عالموزمه وبترنه اديهم...حيدر
صولتنه صولة حيدره القالع عليهم...حيدر
والينه ابو الاكبر وابن محرم وليهم...حيدر
منهو اليعين الخارجه ويلحك عليهم...حيدر
بيهم نعيد الصاعقات الخيبريه..نفنيهه ومصاب العقيله الغاضريه






يوم النوايب ما نجل من منثر الدم...حيدر
نطفيهه نار المرتضى ونتحمل الهم...حيدر
تحت العلم يوم الشدد كل احنه نلتم...حيدر
ما يبقه باَل المصطفى وحيدر ابد غم....حيدر
منذوره كل هاي المُهَج للفاطميه...نفنيهه ومصاب العقيله الغاضريه







نزله
ـ
عباس يا حامي الخدر والعايله...عباس يا ساجي العطاشى بكربله

سيف ابن حيدر عله بيوم الطفوف...راوه خصمه العايل انواع الحتوف
رايته على ابن الطهر تسعى وتطوف...غير ابن حيدر ولينه ما يشوف
دك راس كل كافر سفيه وزلزله...عباس يا ساجي العطاشى بكربله


بجه دم عين الكفر زمرة يزيد...جلجل صروح الارض فوك العبيد
هذه ابن راعي الفخر مجد العتيد...ذكّر ابن الكافره بطبر الوليد
ذل حيل كل جيش الضلاله العيله ...عباس يا ساجي العطاشى بكربله


ناذر لحيدر علي ايام وسنين...هذه ابن خير الاطايب واليقين
شد على ازلام النفاق الكافرين...ناصر حسين ونصر بالدنيه دين
ياراس يكبل باليمين يجندله...عباس يا ساجي العطاشى بكربله
شد عليهم جالاسد راعي الزنود...عبرت جيوش الكفر كل الحدود
رمز ابو فاضل صبح لهل الصمود...يمته مهدينه بنصر حيدر يعود
بالسيف كل حاقد يجيهه يرمله...عباس ياساجي العطاشى بكربله



حيله حيل المرتضى وصل جالجبال...ما يهم وكت الشدد قط للقتال
من يفوت ويكصد دروب النزال...خصمه يبعد من يصد ذاك الخيال
محتار خصمه ومن يحل المساله...عباس ياساجي العطاشى بكربله

يوتيوب باوزان اللطميات
Movie_0006.wmv - YouTube