بقلمي- ماجبرتك

=ماجبرتك- ما جبرتك=
ماجبرتك
ماجبرتك
هيه مو عشرة نفع
واطماع جمعتنه
ولا عشرة شمع
وي خيط سهرتنه
اهي عشرة دمع
وي عين عشرتنه
اذا ترحل
اذا تزعل
لاتبتعد كل البعد
ظل اسأل
تدري انه
عنك انه
شگد سالتك
ماجبرتك
قرر انته بكيفك انته
ترضه تزعل
تظل ترحل
بكلشي اقبل
حته لتگلي ظلمتك
ماجبرتك
===-=-==
انه ما گتلك تعال
واترك اغلى احبابك
ولا جبرتك ع الوصال
ولا گلت سد بابك
انته وحدك
انته جاي
شلون اردك
في هواي
اليوم لو مليت مني
وقررت تبتعد عني
اطيوفك اتظل بخيالي
شما طوت عمري الليالي
چنت مجبور بمحبتك

وچنت الي كلك تحن
اتلگتك روحي اعله لهفه
لهفت مفارگ ابن
ومن اجيت ماخذلتك
ماخذلتك في محبتك
ماجبرتك
========
عيونك تناديني
چانت من بعيد
بلا رسايل
چانت تودي بريد
ومن هويتك
الگلب سويته بيتك
شلتك ابين الضلوع
وعلگت عمري شموع
نام انته بحضن روحك
نام وغفه
وانه احضن الم جرحك
بروحي اللّفه
وجاي اگلك
كلشي اطلب
كلشي تحب
اطلب ياحبيبي
وكلشي يصير
اشربنك لبن
من العصافير
حته لتگلي حرمتك
ماجبرتك
====
انه مو نوعي عكس
حته اعتنيك
وما تغير نوعي
انه احسك بالنفس
هل مااجيك
وياي جوه اضلوعي
انه بجروحك احس
واحزن عليك
قبلك ابچي ادموعي
انه ذاك انه الامس
سولفت بيك
وانته بس موضوعي
انه ما جبت الشمس
ما بين اديك
انه جبت اشموعي
والعمر كله اعتبرتك
ماجبرتك
===
كلمات
ناصر اسماعيل الموزاني