نطرتك طيف تبخل حتى بالطيف
عجب ما جيتني وطيفك تأخر
أنسحب مثل السلاسل عمري وياك
خلصن حلقه حلقه سنيني تنجر
شما غابت شمس ظنيتك تعود
شما ينطر فجر عبره أتكسر
تنطرتك سحابه تبلل الريج
وانا العطشان وكليبي يتفطر
نزلن أي صدك بس هنه كطرات
بمجرد لمسة الشفه أتبخر
جبل هم البعد ما هزهزه الشوك
وكل ساعه وأشوف همومي تكبر
أبذرات الامل عشت العمر بيك
ودخيلك لا تخلي آمالي تزغر
احتمالاتك تعدت كل الحدود
ياهو الارد أجي بكتره يتكتر
ألامل موجود كوه مصبر الروح
أذا لاسامح الله شلون تكدر
بستان الامل كل ليله أسكيه
من دمع النواظر لما يخضر
بس طر الفجر صوفر سوى ومات
هم شايف كبل بستانك أصفر
الذبايح تنذبح من يكبل العيد
وأنا بكل يوم وأضحيتي أتكرر
مراكب دنيتي شكد شالن هموم
وصلن يم دليلي وذبن أنكر
وآنه بجال طيفك ما نمت ليل
وتفرهد عمري مني الظهر الاحمر
بقلمي
محمد عبود العبودي
