عيني لو شافت

عيني لو شافت حلم مو انت بيه
ريت ذاك الليل عيني اعميها
ديره مابيها رسم وجهك اشوف
هيج ديره من الوجود امحيها
من تمر ارويحتي اشوغ بهواك
وشوغة العاشك صعب يخفيها
والدلال البيك معجون بحلاك
والحلاة البيك ما تنطيها
هاك ايدي ترتجف اومت عليك
فوك جتفك عالشعر خليها
النار بيه ولعت من يو زمان
الماي بيدك يلا كوم اطفيها
هروشي جاتلها العطش ذبلت حرام
صير فلاح السلف وسكيها
نظره منك ارحم بحال الذليل
لروح اهلك والنبي اسويها
لوذ بكتار الجرح لمسة حنان
نظرة عيونك علينه ارميها
صير لجروحي الدوا انت الطبيب
واجبك روحي عليله اشفيها

قصيده رائعه اخ يوسف
سلمت اناملك تحياتي

جميل اخي يوسف

تقبل مروري

سجاد الرحال عاشق النجوم شكرا لمروركم الكريم