زهراء_الشاعر مرتضى الربيعي

قصيدة زهراء للشاعر مرتضى الربيعي
اتمنى تعجبكم
حاولت انساج لكن مستحيل

انتي بعتيني وبقيتي ابالي

شما ردت من بالي امسحج ما يصير

ولو اللح اني انمسح من بالي

اني بعدج صرت اعاشر بس جروح

جي لان اجروحي من الغالي

جرح اخيطه وينفتكَـ ينزف جروح

وهم اخيطه وينفتكَـ بالتالي

من وراج انترسن سلالي جروح

واني خايف ما تكفي سلالي

وهاي تالي العشره والحب والغرام

هيجي بعتيني ورضيتي بحالي

وهذا حالي من وراج اتعذبيت

وما اكول فراكج شسوالي

والله يا زهراء جنني هواج

ونص ربع ذرة عقل خلالي

واني كَـمت اعزف على اوتار الجروح

لكن الوننه اصبحت موالي

اني ويه الليل نتسامر سنين

وكَـمت اعد انجوم من خبالي

وهاي دمعاتي وهمومي والجروح

وذكرياتج بس بقت تبرالي

وهيج ارسمج

لوحه سوده وبظلام

وهذا اسمج

طابع بدلالي

الحزن صاير هوايه

من البدايه للنهايه

ولو تردين لهوايه

تخلص افصول الروايه

وانتي كلبج من همومج خالي

وهذا حالي وهاي قصتي ويه الغرام

واني انتظرج تجين كَـبالي

الكَـلب لدروب عشكَـج وده عيني
الدمع والله بغيابج وده عيني
دخيلج ردي ليه ودعيني

احس اوداعج انه ارحم عليه