وين ذاك الوعد

اشما يطول العمر بيكم ..ه العمر يبقى گصير
اشما كبرتوا اشما شمختوا ..للگبر حد المصير
شوفوا هذا الشعب مرّه ..وعيشوا وياه بضمير
راسه شال الضيم كاره ..وما يهمه اشما يصير
وانتوا ما بين الكراسي ..كل وزير ايضد وزير
وعفتوا هذا الشعب وحده ..شايب وشاب وزغير
وينه ذاك الوعد وينه ..يالگلت باچر نصير
مثل هاي الدول واحسن ..ونفرش الحوطه عبير
وينه ذاك الخير گلي ..يا وزير ابن الوزير
خيركم ما شفنه منه ..نخال من جرش الشعير
ضاعت احقوق اليتامى ..وضاعت احقوق الفقير
وضاعت احقوق الشهيد.. وبگتوا كل راتب اسير
ارد اذكركم .. ولكن ..خل يصير اشما يصير
امن انتخبناكم جهارا ..وگلنه بلكي ايصير خير
ليش بعتونه بدراهم ..ليش هيأتوا النه بير ؟؟
والله لو ندري بچذبكم ..ما اجيناكم مسير
والله لو منتخب رگه ..اشوه من چهرة بعير
نريد حصة كهرباء .. نريد شارع بيه ضوه
انريد بالشرجي اليمرنه .. كون نشتم بيه هوه
وكون نشرب ماي دهله .. وكل گلب بينه ارتوه
وكون بالمستشفى نلگه .. للمرض حفنة دوه
وكون كل عيد اليمرنه .. نمشي كل احنه ابغوه
وكون نتركهه السياسه .. وقصة ام السعلوه
وكون كل واحد فقير .. ويه الغني يصبح سوه
ليش ياموطن شعبنه .. شعبك بجمره انچوه
ونعرف الطبخه من اصلهه .. اشلون هيه مستوه
نعرف ايبيعوك سكته .. او بالقصد بالمحتوى
لكن اصبر يا شعبنه .. الطلعة البيده اللوه
الطلعة لبيده اللوه


منقووووووووووول