مجموعه كبيرة وجميله من الابوذيات ..........

ابجفاك اشكد عليه اهموم لمن
حزن بس الكرب لاتضن لمن
اعصرنك بديه اوعليه لمن
تذوبك حركتي اوتتلاكه اديه
******************** ********
عليك اشكثر كطر ماجفاني
بحر جدام شمسك ماجفاني
الشمت بجفاك كتله ماجفاني
جفيته انه واهو ايدور عليه
******************** *****
شمس ماجنت فوكك لاكفيلك
اطلعت ما اوفي هسه لاكفيلك
اشتضن صعبه من اعوفك لاكفيلك
ابوفاظل فلا تصعب عليه
******************** ******
جيل الضيم يل تنشد شجيلك
انوحن عكبك اونوحي شجيلك
اجيلك ردت بس كلي شجيلك
اعتذر كلمن نخيته ايكود بيه
******************** ****
عله عكلي اشتكول الناس شتّم
ثكل واعليه من اهواي شتّم
مره المست خده اوكام شتّم
شكو ميت يربطه النسب بيه
******************** ****
وحك من للعطاشه ودمايه
الدهر بس ضيمه اجاني ودمايه
صرت جني المعارك والدمايه
اسير اوميت اومفقود بيه
******************** *****
كبل خصمي النوايب هاسمني
وهاكتلني عكبك هاسمني
وعلي اصير ابوصالك هاسمني
الضحك والعافيه امبينات بيه
******************** ******
السوالف وحده عنهم وخرعني
وغفل طبن بذاني وخرعني
يدنيه انوب احذرج وخرعني
تره انخالج علي ورفعيت اديه
******************** ******
جمد كلبي اعله بابك مو عجيبه
عجبته اوكلشي غيرك مو عجيبه
اوعلي السبعه العجايب موعجيبه
صفر وي كارثة فركاك اليه
******************** ******
الوفه جان ابديار الناس بسعاف
ادياره وصفت نار اتلوج بسعاف
اليطيح من المرض ينشال بسعاف
الفقير ايطيح واتشيله المنيه
******************** **********
وحك الشرف التاريخ طفه
الدهر طبنه وشملنه ابسيف طفه
ربك للنبي ابراهيم طفه
النار وجراهه اجفاك بيه
******************** ***
يدنيه اجفوفج اعليه وجذّب
هموم اوكمت اسدسدلج واجذب
جهبت الصاحب ابعوزي وجذيب
خزرني اوكشر انيابه عليه
******************** ***
هنايلي فرحتك جنت ونساك
وشوكك وي دليلي انصاغ ونساك
جفيت وكلت اروح ابعيد ونساك
ونسيت امبين النسيان بيه
.................... .............

عبيط اعله الوجن صبيت لومه
يجفني اولايمي حد سيف لومه
كمت ما ابين ابممشاي لومه
خيالي الرسمته اهدومي العلي

الوكت مانصح يبن امي سعالي
طريح اويخرش ابصدري سعالي
ال اله بالخير جنت اسعه سعالي
ابخبث واحجايه تنكط سوء نيه
******************** *************
ابوجاغ الشوك ظل يغلي كتناه
عليك اودم نواضرنه كتناه
العضك خاف ماتدري كتناه
الضنه انشيلها لو الك جيه
******************** ***********
صحيح اصروف دهري سل سلني
اوعله موكد جمرهن سلسلني
بس عندي طبايع سلسه لني
عرفت الوكت وين ايريد بيه
******************** *********
ابليله اوشعره حاير من نسل من
ترف واعيوني ماضن منه سلمن
اذا تنشدني عنه من نسل من؟
اعتقد من اللجين انشطر ضيه
******************** ********
روحي فرة المحجال ..فرهه
زماني او وصعد لليافوخ فرهه
الدنيا الجانت بطرواك فرهه خرم ابره بجفاك اصبحت هيه
******************** ***
البله ابروحي ابنده ذكراك ورد
اوصفيت انشد عليك الراح والرد
بجيت اوفرفحيت اوصحت والرد
زلازل مو صدى يرجع عليه
******************** ******
جنت لابس فرح ياكلب ...شعراك
وكمت تكتب بطور الحزن ...شعراك
كبل صبورة يا هالراس ...شعراك
شعنده وياك طبشور المنيه
******************** *********
ابد اهجي اوحياتك من هجاني
غيور اوصرت للكل منهج اني
اذا عشرة اخواني منها اجاني
اذيه اغتاض بس ما ارد بذيه
******************** *******
اوداع الخل افراحي ودعتهه
وانه من البدن روحي ودي اعتهه
الي احجاية العدله وادعتها
الكبل جانت لسنها اتلوذ بيه
******************** ******
الم ينخر ابلب عظمي والم راض
والم ماينلجم غاير والم راض
طريح اعله الكفه جسمي والامراض
غدت تتواجر ابكل كتر بيه
******************** *********
باب الشوك بيدك من تفك فاك
حلو وابريع وجهم م انتفى اكفاك
احب لمعة اسنونك من تفك فاك
ليلو او بالظلام ايبن ضيه
********************
اهنا يلي خذت فكري ترده
العكل والحال من عكبك ترده
جرحي الطاب بوصالك تره اده
ابجفاك اولهّس اللجمات بيه

اتمنى ان تكون نالت رضاكم