ليش الحزن يتردد بكلماتك؟ ... بقلمي

ليش الحزن يتردد بكلماتك؟
ليش انه احس تجوي الكلب دمعاتك؟
ليش الدروب تشابجت
وتشابجت ويه الدرب خطواتك؟
ورجني ... راويني السمه
وانه اوعدك مامش بشر يندل بعد نجماتك
تلكاني انه بصفك اخو
ما نكّس بيوم الفزع راياتك
شنهو السبب عينك بحر
ولي يشوفك يغرك بنظراتك
علمني تحجي بيالــــغة
حتى افهمك .. وافهم شنو بصفحاتك
ما ريد تحجيلي غصب
ماي الغصب مايروي لا وحياتك
ما ريد اجي البابك غفل
رايد انه اتدليني انته بذاتك
احسبني رمشة من الجفن
جرة نفس
دكة كلب احسبني من دكاتك
مهما على متون الربيع تمايلت
لابد خريف اطيح بي وركاتك
ساعتها تلكاني غطا
وساتر محبه
بينك ومابين كل شماتك

تحياتي واعتزازي

رائع احسنت جميل جداً
تقبل مروري لك فائق احترامي

مبدع عاشت يمينك وصح لسانك ياغالي قصيدة روووعه تسلم وتحياتي الكـ

دكة كلب احسبني من دكاتك
مهما على متون الربيع تمايلت
لابد خريف اطيح بي وركاتك
ساعتها تلكاني غطا
وساتر محبه
بينك ومابين كل شماتك

وصف جميل واحساس رائع ياشاعرنا

المقتدر صاحب الكلمة الجميله والمعبرة

يوما بعد يوم تتحفنا بقصائدك الرائعة تحياتي

لك مع كل الحب

دكة كلب احسبني من دكاتك
حتى افهمك وفهم شنو بصفحاتك
ارى عزيزي ان قطار ابداعك
صار يتهادي برهاوه على سكة
افاق التالق دمت مبدعا اخي

اخي الرحال ... اسعدتني بتشريفك هذه الصفحه وممتن جدا لتقييمك

الاخوة الاعزاء جميعا ... يعجز لساني عن شكر مشاعركم الجميلة و ردودكم الرائعة

ارتعاش حرف
وصهيل كلمه
اوصلتها بسهوله للقلب
شكرا لك لأمتاعنا بها وننتظر المزيد