شعر شعبي عراقي قيل بحق الامام علي عليه السلام

بسمه تعالى

الصلاة والسلام على خير خلقه محمد واله الطيبين الطاهرين

السلام عليكم اشلونكم انشاء الله الكل بخير وعافيه ياربي

جايبلكم اروع قصيدة كتبت بحق اسد الله الغالب علي ابن ابي طالب عليه السلام انشاء الله تنال اعجابكم وكلي أمل برأيكم

القصيدة مكتوبه بالشعر الشعبي العراقي الجميل

ما اطول عليكم القصيدة اتكول:.

علي بطاري اسمك عيون اليتامة تنام
بس يغفن بالمهن والجفن يدمع
يتامه بطونهم مالكت حل للجوع
والمايلكة حل من الصعب يقنع
علي منين ابتدي وانته تعرفهن زين
علي الشباج اسئلة شكد قصص يسمع
علي كون بعهد جنت انته تحكم بي
ترتد العقارب والزمن يرجع
ولو مودوم لو بس ثانية كدما
الايتام الجياع من الخبز تشبع
لان ماتطعم اللكمة بمقابل صوت
ماتنطيهه مرة ومرة لاتجزع
على ماجان الك يد بتجارة ومال
علي عن كل هذني من الذكر ترفع
علي ماخصصت لاجل الدعاية اموال
ماوصيت قنبر بالورق يدفع
علي اعذرني علي بس للسؤال اسباب
علي بره العراق اتملكت مصنع ؟؟
تجل لوهيجي مااعرضت عن كفار
ولاوية ابن عمك بالامر تصدع
علي يم سيفك اتنشز سيوف الغير
ويبين الطافي من الصدك يلمع
علي كون الشعر مووحي بكيفي ايصير
جاكل القصايد بس الك تطلع
وجاماكتب قلمي بغير حبك بيت
الى ان احرف اسمك بالقلم تطبع
علي لومالكينه ورق نكتب بي ؟؟
علي نلكه البديل من الجلد نشلع
علي كون القصيدة الالك بيهه ابيات
علكد مابليلك تسجد وتركع
وكون ايزخ صور غيم الخيال وياي
الى ان كل ورقتي من الشعر تنكع
وماحط بيت بيهه سد فراغ ايصير
الما ماخذ مكانه من السهل يطلع
علي ليك القصيدة غيره بيهه تكون
بس انكلهه بسمك علقلم تفزع
تسمعهه المنصه وتنحني منتشوف
علي بيهه احتراما والخشب يخشع
تتمسى قصيدة لو فقط بس بيت
ماينقصهه تكمل لو بقت مقطع
ماتخضع نقد تملك حصانه شلون
علي موجود بيهه وللنقد تخضع ؟؟
لو يدري علي بيهه غلط موجود
جامن البداية ماقبــــــــــــــل تطلع

تحياتي للجميع في امان الله القاكم بالخير

:66 (46)::66 (46)::66 (46)::66 (46)::66 (46)::66 (46)::66 (46)::66 (46):

السلام على وصي الرسول
السلام على زوج الطاهره البتول
بارك الله بيك اخويه العزيز ابن العراق الفراتي
لنقل القصيده الجميله وهي للشاعر الرائع ايهاب المالكي
تحياتي لك وتقديري

بارك الله فيك
قصيدة رائعة جدا
يستاهل سيدي ومولاي ابا الحسن روحي له فدا
لك مني اطيب تحية

شكرا جزيلا الكم والمروركم الرائع

اسعدتوني بكلامكم الجميل
هذا من حسن ذوقكم
تحياتي الكم جميعا

تسلم وتعيش اروع قصيدة حياك الله

بارك الله فيك ويعطيك العافيه على القصيده