جفت ضمائركم

أنه البيهَ ضمير تكاسر أحساس
ظل ينحب محنه وكت الغروب
أشرب نخب صحتي بيدك الكاس
وخل روحك بروحي تهيم وتذوب
جاسه الضيم گلبي أتذكرت ناس
وعن نزف المدامع أبد ماتوب
تعال وشوف حالي بيه وهواس
دمع يعگوب عيني وصبري أيوب
غيابك هد كياني وهدم الساس
وأدري مگدر ومن الله مكتوب
أنه لوحة خشب لدگهه بالفاس
على باب الصبر ضليت مصلوب
ضلمه الدنيه صارت وأنته نبراس
تعال ورد ضواك البيه معطوب
تعال الورد عگبك صار ينداس
تعال الروح شمعه بهجرك أتذوب
أريد الچم جروحي بوجّع نداس
جرح گلبي طعنته وصار معيوب
بيك أتباهه تدري وأرفع ألراس
صدگ جفت ضمايركم فرد نوب
تعال وگدر وصير أنته لباس
شتلبس ياجرح كل جرحي مسلوب
صرت أنته شبيه بفعل جساس
وهسه أنته أصبحت للزير مطلوب.



foraten.net/?foraten.net/?foraten.net/?foraten.net/? الكعبي.

رائع وجميل ما خطته اناملك يا foraten.net/?foraten.net/?foraten.net/?foraten.net/?
سلمت وسلم لنا قلمك يا غالي
لروحك انفاس الياسمين

أيليا الغانمي
مرور الورد عبّق بياسمينه
على طيلسان القوافي
وافر تقديري واحترامي لكَ

انه لوحة خشب لدكها بالفاس
على باب الصبر ظليت مصلوب
تعال الورد عكبك صار ينداس
تعال الروح شمعه بهجرك اذوب
الرائع foraten.net/?foraten.net/?foraten.net/?foraten.net/? الكعبي
سموت بقيمة الكلمه فسما بك احساسك
طوعت الشعر فاقبلت بحوره نحوك
وامواجها هادئه وهادره كما تشاء

الشاعر يوسف الذهاب
شكراً لكَ أخي الغالي
اكاليل الورد والياسمين
لمرورك الذي اضاء سماء متصفحي