كل اللي عرفني صدك حبني

كل اللي عرفني صدك حبني
وكلمن صاحبيته صدق وياي
محد تعباني وشلي الحال
بس اللي عشكته وردته اللي اهواي
اول يوم كلي ايحبني حب موت
وبعد ايام بين يكره اهواي
اول حبه حطلي العسل ريوك
ومن جاني العشه سم حطلي بالماي
كلي اني اغلطت ابحبي وياك
وهسه اني اعله حبك حيل ندمان
ماادري شجاه اتغير اشبيه
قسه ابطبعه ابد ماجنه انسان
نسه احجاياته كلهه الكالهه بيوم
وصار الهجر طبعه وصار عنوان
فرح كلش بذيتي ونام مسرور
كيف من سمع بالحال تعبان
مدري اشبيه ولاجن جنه احباب
يتعامل ابقسوه ابطبع عدوان
يتمنه اموت ويدعي كل يوم
وابعبوة غدر ايريدني انصاب
دور كل غراضه ايريد سجين
بلجي ايصيب كلبي ايصير كصاب
ولاجن بين كلبي وكلبه اشواك
ولاجن حب جمعنه وجنه اغراب
كل هذا ابسبب زعليت وياه
ومره ابلا قصد حاسبته احساب
اذا هيج البدايه الخاتمه اشلون
كل مايزعل ايدعيلي بالموت
لوكل مااريد اتحاجه وياه
يصرخ بالوجه وايعلي بالصوت

صالح الجابري