لاتعـــــــــــــــــــــــــــــــــاتب..الشيخ ابوحيدر

لاتعاتب



صرت سالوفة فشل عنـــد الاهل وســـط الـﮕـرايب



غايب انتــه بدفتري وسجلت حاظـر وانـــــه غايب



ﭽـنت سالوفة محنه وبيه غنه الطرف كله والحبايب



لاتعاتب



وهســــــه ياﭽـلمة بخت تنـﮕـال بـس وكت المصايب



انه حبيتك وجع حــــــــدر الضلع وحسبتـه واجب



وانته بلسان الشماته تـﮕـلي اكرهــــك عوف خايب



لاتعاتب



مدري ليش منسأل وكلي أمــل بـــــس ما تجاوب



ترفع الحاجب بسمـــه وتذبح بـــــــرفع الحواجب



تبوسني بـــوست محنه وياها ونــــــــه بلا مأرب



لاتعاتب



تذكرحـﭽـاية احبك من ﮔـلته بعين تدمع وانته طالب



هســــه روح انته بدرب وانه بدرب ماكـــوا تقارب



يالعفتني بخمــــــر هجرك دايــــخ ومتهوم شـارب



لاتعاتب



بقلم الشيخ ابوحيدر

روعه يابو حيدر روعه
قصيدة رائعة كروعت صاحبها
عاشت الايادي
تقبل مروري المتواضـــع

قصيدة جميله جدا
ننتظر منك الاجمل

تذكر حجاية احبك من كلتها بعين تدمع ونته طالب؟
صد لسانك شيخ يل عفتني بخمر حبك دايخ
ومتهوم شارب

[quote=الزير سالم;1117838]

روعه يابو حيدر روعه

قصيدة رائعة كروعت صاحبها
عاشت الايادي
تقبل مروري المتواضـــع

اشكر مرورك الرائع
كروعة ردك
اخي ماننحرم
دمت بود

ااااااالله حلوه شيخ روعه صح اللسانك ياغالي ويعطيك العافية تحياتي الكـ

انه حبيتك وجع حــــــــدر الضلع وحسبتـه واجب



وانته بلسان الشماته تـﮕـلي اكرهــــك عوف خايب

كتبت فابدعت وانتقيت احلى المفردات واروعها
لك احترامي ابو حيدر

ﭽـنت سالوفة محنه وبيه غنه الطرف كله والحبايب





أبدعت ياشيخ ابو حيدر
والعتاب مطلوب بين المحبين
تحيتي وتقديري لك